دوێنێ شەموو شاندی هەڵبژاردەی پورتوگال بۆ بەشداریكردن لە یارییەكانی مۆندیال گەیشتە رووسیا كە بڕیارە پێنجشەمی داهاتوو دەست پێ بكات.
شاندەكەی هەڵبژاردەی پورتوگال لە فڕۆكەخانەی جۆكۆفسكی لە دەورووبەری شاری مۆسكۆی پایتەخت دابەزین و لەوێ پێشوازییەكی تایبەتیان لێ كرا.
لە بەشێكی رێوڕەسمی پێشوازییەكەدا ئافرەتێكی گەنجی رووسی لە شاندەكە نزیك دەبێتەوە و وەك نەریتێك لە بەخێرهاتنی مێوان و نمەككردن نان و خوێی بەخشی بە شاندەكەی هەڵبژاردەی پورتوگال و یەكەم كەسیش كریستیانۆ رۆناڵدۆی ئەستێرە و كاپتنی هەڵبژاردەكە نمەكەكەی كرد.
جێی باسە هەڵبژاردەی پورتوگال لە مۆندیالی 2018ی رووسیا لە كۆمەڵەی دووەم لەتەك هەڵبژاردەكانی ئیسپانیا، ئێران و مەغریب یاری دەكات.
ڤیدیۆ.. بەشێك لە رێوڕەسمی مێونداریكردنەكە