ئه‌مڕۆ "هه‌نسكى ئاسمان" له‌ هه‌ولێر نمایش ده‌كرێت


 ئه‌مڕۆ فیلمى "هه‌نسكى ئاسمان" له‌ سینه‌مایه‌كى فاملى مۆل له‌ هه‌ولێر نمایش ده‌كرێت، كه‌ فیلمێكى نه‌ته‌وه‌یییه‌ باس له‌ قۆناغێكى مێژوویى كورد ده‌كات.

 ئه‌مڕۆ سه‌عات هه‌شت و 30 خوله‌كى ئێواره‌، فیلمى "هه‌نسكى ئاسمان" له‌ سینه‌ماى ئیمپایه‌ر له‌ فاملى مۆل نمایش ده‌كرێت و ستافى فیلمه‌كه‌ش له‌ كاتى نمایشكردنه‌كه‌ ئاماده‌ ده‌بن.

 ئه‌و فیلمه‌ له‌ نواندنى كاردینا هێمن و كۆمه‌ڵێك ئه‌كته‌رى تره‌، له‌ ده‌رهێنانى شه‌هرام قادره‌ و فیلمه‌كه‌ له‌ كوردستان كارى وێنه‌گرتنى بۆ كراوه‌، له‌لایه‌ن ریشوان ئیبراهیم به‌رهه‌م هاتووه‌.

 جۆرى فلیمه‌كه‌ درێژه‌ و بابه‌ته‌كه‌ى نه‌ته‌وایه‌تى و مێژوویییه‌، باس له‌ قۆناغێكى شۆڕشه‌كانى كورد ده‌كات.

 یه‌كه‌مجاره‌ ئه‌و فیلمه‌ له‌ كوردستان نمایش بكرێت.

 وێراى ته‌نگژه‌ى دارایى هه‌رێمى كوردستان، به‌ڵام سینه‌ماكاران له‌ كاره‌كانیان نه‌وه‌ستاون، ئه‌مساڵ چه‌ندان فیلمیان به‌ كورت و درێژه‌وه‌ به‌رهه‌م هێناوه‌، له‌ چه‌ندان فێستیڤاڵى جیهانیش فیلمه‌ كوردییه‌كان به‌شدارییان كردووه‌.




وشە - فه‌یسه‌ڵ خه‌لیل


PM:02:59:12/06/2018




ئه‌م بابه‌ته 267 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌