باوترین درۆ و بیانووه‌كانی پیاوان.. مۆبایله‌كه‌ی شه‌حنی تێدا نه‌مابوو!


سروشتی پیاو به‌و شێوه‌یه‌یه‌، كاتێك گله‌یی له‌سه‌ر ئه‌نجام نه‌دانی شتێك لێ ده‌كه‌یت، بێگومان به‌ بیانوویه‌ك وه‌ڵامت ده‌داته‌وه‌ كه‌ زۆرترینیان باون و جێی باوه‌ڕ نین.

به‌ زۆری بیانوو بۆ نه‌بوونی شه‌حنی مۆبایله‌كه‌یان، نه‌مانی باڵانس، ئیشی زۆر و خه‌وتن ده‌هێننه‌وه‌، بۆیه‌ نه‌یانتوانیوه‌ كه‌ وه‌ڵامی پێوه‌ندی ژنه‌كانیان یان كه‌سێكی تر بده‌نه‌وه‌.

لێره‌وه‌ پێویسته‌ پیاوان سنوورێك بۆ بیانووه‌ باوه‌ڕ پێنه‌كراوه‌كانیان دابنێن، چونكه‌ له‌ چه‌ند لێكۆڵینه‌وه‌یه‌كدا ده‌ركه‌وتووه‌، كه‌ ئه‌م وه‌ڵامه‌ خێرا و بیانووه‌ ئاماده‌كراوه‌ی پیاوان، له‌ جیاتی كێشه‌ی نێوان خۆیان و ژنه‌كانیان كه‌م بكاته‌وه‌، زیادی ده‌كات و كێشه‌كانیان گه‌وره‌تر ده‌كات.

له‌به‌ر ئه‌وه‌ پسپۆڕانی بواری كۆمه‌ڵایه‌تی ئامۆژگاری پیاوان ده‌كه‌ن، هه‌تا پێیان ده‌كرێت ڕاستگۆیانه‌ قسه‌ بكه‌ن و هۆكاری ڕاسته‌قینه‌ی بێ ده‌نگی و وه‌ڵام نه‌دانه‌وه‌كه‌یان ئاشكرا بكه‌ن، چونكه‌ ڕاستییه‌كه‌ هه‌ر چه‌نده‌ قورسیش بێت جێی باوه‌ڕه‌، به‌ڵام كاتێك درۆ ده‌كه‌ن و بیانووی ناڕاست ده‌هێننه‌وه‌، له‌وانه‌یه‌ گومانی به‌رانبه‌ره‌كه‌یان زۆر له‌وه‌ گه‌وره‌تر بێت كه‌ راستییه‌كه‌ی هه‌بووه‌.

ئه‌م بیانووانه‌ش وا ده‌كه‌ن مێشكی پیاو سه‌رقاڵ و  بێهێز و دوودڵ بێت، له‌به‌ر ئه‌وه‌ تووشی بارودۆخی ده‌روونی ناخۆش ده‌بنه‌وه‌ و خۆیان پێ چاره‌سه‌ر ناكرێت، ناشتوانن خۆیان له‌ فێربوونی درۆ ڕزگار بكه‌ن.

سه‌رچاوه‌_ لبنان24


وشە - ڕێناس شابان


PM:12:28:13/06/2018




ئه‌م بابه‌ته 847 جار خوێنراوه‌ته‌وه‌‌