ئەمەریکا، کەنەدا و مەکسیک بەیەکەوە میوانداری مۆندیالی 2026 دەکەن
و ئەو بڕیارەش لە لایەن ئەم سێ وڵاتەوە لە کۆنگرەی فیفا پێشکەش کرا و توانی
زۆرینەی دەنگ بە دەست بێنێت.
200ئەندامی فیفا بەشداریان لە دەنگدانەکە کرد و 67%ی بەشداربووان دەنگیان بە پێشنیاری سێ
وڵاتەکە دا. مەغریبیش یەکێکی تر بوو لە پاڵیوراوان بۆ میوانداری مۆندیال بەڵام
سەرکەوتوو نەبوو.
ئێستە خولی بیست و یەکەمی مۆندیال لە رووسیا
بەڕێوەدەچێت خولی داهاتوو لە ساڵی 2022لە قەتەڕ و خولی بیست و سێیەمی ئەو مۆندیالەش بۆ یەکەم جار بە هاوبەشی لە سێ وڵاتی
دراوسێ بەڕێوەدەچێت. کۆنگرەکەی فیفا لە بەرەبەری دەستپێکردنی مۆندیالی ئەمساڵ
بەڕێوەچوو.
گۆڕانکارییەکی تر لە مۆندیالی 2026دا کراوە و ئەویش بریتییە لەوەی ژمارەی هەڵبژاردەکانی بەشداربوو لە مۆندیال لە 32هەڵبژاردەوە بۆ 48هەلبژاردە زیادی کردووە.
پێشتر مەکسیک لە ساڵی 1970 و 1986 میوانداری مۆندیالی
کردووە. ئەمەریکاش لە ساڵی 1994میوانداری مۆندیالی کرد و کەنەداش بۆ یەکەم جارە دەچێتە لیستی ئەو وڵاتانەی
یارییەکانی مۆندیالی تێدا بەڕێودەچێت.
سەرچاوە/رادیۆفەردا