بۆ كه‌مكردنه‌وه‌ی كێشتان هه‌نگوین بخۆن


یه‌كێك له‌ خۆراكه‌ به‌سووده‌كان بۆ جه‌سته‌ی مرۆڤ هه‌نگوینه‌، هه‌روه‌ها پزیشكان ئامۆژگاریمان ده‌كه‌ن كه‌ رۆژانه‌ هه‌نگوین بخۆین، چونكه‌ هاوكاریمان ده‌كات له‌ كه‌مكردنه‌وه‌ی كێشی له‌شمان.

به‌پێی هه‌واڵێك كه‌ له‌ ماڵپه‌ڕی "organicfacts" دا بڵاو كراوه‌ته‌وه‌ و باس له‌ سووده‌كانی خواردنی هه‌نگوین ده‌كات بۆ كه‌مكردنه‌وه‌ی كێش و ده‌ڵێت، توێژینه‌وه‌ نوێكان ئه‌وه‌یان سه‌لماندووه‌ كه‌ هه‌نگوین زۆر به‌سووده‌ بۆ كه‌مكردنه‌وه‌ی كێش و سووتاندنی چه‌وری زیادی جه‌سته‌، ئه‌مه‌یش ده‌گه‌ڕێته‌وه‌ بۆ بوونی ڤیتامینه‌كانی "C و B6" و ماده‌ ڕیشاڵییه‌كان و ماده‌ جۆراوجۆره‌كانی وه‌ك "پڕۆتین، زینك، پۆتاسیۆم، مه‌گنیسیۆم و فۆسفۆڕ" كه‌ ئه‌م ماده‌ و ڤیتامینانه‌ سوودیان هه‌یه‌ بۆ جه‌سته‌ و له‌ هه‌مان كاتیشدا هاوسه‌نگیی كێش ده‌پارێزن و كێش كه‌م ده‌كه‌نه‌وه‌.

پزیشكان هۆشیاری ده‌ده‌ن كه‌ كه‌وچكێك هه‌نگوین بكه‌ینه‌ ناو ئاوی گه‌رمه‌وه‌ و ڕۆژانه‌ یه‌ك بۆ دوو په‌رداخی لێ بخۆینه‌وه‌، چونكه‌ ئه‌م پێكهاته‌یه‌ چه‌وری جه‌سته‌ ده‌سووتێنێت و كالۆری زیاده‌ له‌ناو ده‌بات، ئه‌مه‌یش وا ده‌كات كێش كه‌م بێته‌وه‌ و كه‌سه‌كه‌ له‌ قه‌ڵه‌وی ڕزگاری بێت.

هه‌روه‌ها بۆ ئه‌و كه‌سانه‌ی كه‌ به‌ده‌ست قه‌ڵه‌وییه‌وه‌ ده‌ناڵێنن پزیشكان گیراوه‌یه‌كیان داناوه‌ كه‌ ده‌توانن له‌ ڕێگه‌یه‌وه‌ كێشیان كه‌م بكه‌نه‌وه‌، ئه‌م گیراوه‌یه‌ش پێك دێت له‌ تێكه‌ڵكردنی هه‌نگوین و ئاوی لیمۆ، بۆیه‌ پزیشكان ئامۆژگاریمان ده‌كه‌م كه‌ رۆژانه‌ ئه‌م گیراوه‌یه‌ بخۆینه‌وه‌ چونكه‌ له‌ قه‌ڵه‌وی ڕزگارمان ده‌كات.


وشە - ڕۆزی عه‌بدولره‌حمان


PM:08:53:13/06/2018




ئه‌م بابه‌ته 370 جار خوێنراوه‌ته‌وه‌‌