بەڕێوەبەرایەتی گشتی كەشناسی و بوومەلەرزەزانی هەرێمی كوردستان ئاشكرای دەكات سبەی پلەكانی گەرمی بەرز دەبێتەوە.
ئەمڕۆ شەموو 16ـی حوزەیران/ یۆنیۆ، بەپێی ڕاپۆرتی بەڕێوەبەرایەتی گشتی كەشناسی و بوومەلەرزەزانی هەرێمی كوردستان كە وێنەیەكی بۆ "وشە" نێردراوە تێیدا هاتووە، ئەمڕۆ شەموو ئاسمانی كوردستان لە ژێر كاریگەری نزمە پاڵەپەستۆی نیمچە دوورگەی عەرەبی دەبێ، لە هەولێر و سلێمانی ئاسمان ساماڵ دەبێت، لەگەڵ بوونی پەلەهەوری جیاجیا.
لە كەركووك ئاسمان ساماڵ دەبێت، هەروەها لە دهۆك ئاسمان لە نێوان ساماڵ و نیمچە هەور دەبێت دەبێ، هەروەها ئەگەری بوونی باران لەناوچە شاخاوییەكان، بەرزترین پلەی گەرما 39 پلە و نزمترین پلەیش 23 پلەی سیلیزی دەبێ.
هەروەها سبەی یەكشەم ئاسمانی كوردستان لە ژێر كاریگەری نزمە پاڵەپەستۆی نیمچە دوورگەی عەرەبی دەمێنێتەوە، لە هەولێر و سلێمانی و كەركووك ئاسمان ساماڵ دەبێ لەگەڵ بوونی پەڵە هەوری جیاجیا، لە دهۆكیش ئاسمان ساماڵ دەبێ، بەرزترین پلەی گەرما 40 پلە و نزمترین پلەیش 25 پلەی سیلیزی دەبێ.