سەرچاوە هەواڵییەكان ڕایان گەیاند، سعودیە وەك سەرۆكی ڕێكخراوی وڵاتانی هەناردەكاری نەوت"ئۆپیك" میوانداری هەریەكە لە وڵاتانی ئەندام و نائەندام لە ڕێكخراوەكە دەكات، بەمەبەستی ئەنجام دانی كۆبوونەوەی ساڵانەی گروپەكە.
ئاژانسی
رۆیتەرز ڕای گەیاند، ڕیاز و مۆسكۆ بەهۆی ئەو پێوەندییە بەهێزەی نێوانیان بڕیاری هاوئاهەنگی لە نێوان وڵاتانی ئەندام لە ئۆپیك و نائەندام لە ڕێكخراوەكەدا و لەم هەفتەیە دا لە كۆبوونەوەكە زیاتر گرنگی پێدەدرێت.
محەمەد بن سەلمان شازادەی جێنشینی سعودیە بەسەردانێك گەیشتە مۆسكۆ و لەگەڵ ڤلادمیر پوتین سەرۆكی ڕووسیا كۆبووەوە و تێیدا گفتوگۆیان لەبارەی پێوەندییە ئابوورییەكانی نێوان هەردوو وڵات و زیاد كردنی ڕێككەوتن و هاوئاهەنگییەكان كرد.
سەرچاوەیەك لە ڕێكخراوی ئۆپێك كۆبوونەوەكەیان بە گرنگ وەسف كرد و ئاشكرایان كرد كە ئەمە تەنیا بیروبۆچونێك نییە و لە داهاتوو كاری لەسەر دەكرێت و هەفتەی داهاتوو لە كۆبوونەوەی وەزیرانی وزە لە ڤییەنا زیاتر گفتوگۆی لەبارەوە دەكرێت.