سه‌رۆك بارزانی سه‌ردانی میحوه‌ری پردێى كرد

ئه‌مڕۆ شه‌موو 16ى حوزه‌یران، هاوكات دووه‌م ڕۆژى جه‌ژنى ڕه‌مه‌زانه‌، سەرۆك مه‌سعوود بارزانی، سەردانی بەرەكانی هێزی پێشمەرگەی كوردستانى لە میحوەری پردێ كرد.

سەرۆك مەسعوود بارزانی بە مەبەستی هەواڵپرسین و پیرۆزبایی جەژن و به‌سه‌ركردنه‌وه‌ى هێزه‌كانى پێشمه‌رگه‌ له‌ نزیكه‌وه‌، سەردانی هێزەكانی پێشمەرگەی كوردستانی لە میحوەری پردێ كرد.

له‌ سه‌ردانه‌كه‌یدا سەرۆك بارزانی بەبۆنەی جەژنی  ڕەمەزان پیرۆزبایی خۆی ئاراستەی تاك به‌ تاكی پێشمەرگە قارەمانەكان و فەرماندەكانی هێزی پێشمەرگەی كوردستانی كرد،  هه‌روه‌ها دەستخۆشی و سوپاسی پێشمه‌رگه‌كانی كوردستانى كرد بۆ ئەرك و ماندووبوونیان لە پاراستنی گەلی كوردستان و خاك و كەرامەتی نیشتمان.

له‌ سه‌ردانه‌كه‌یدا سه‌رۆك بارزانى، به‌یاوه‌رى مه‌سروور بارزانی ڕاوێژكاری ئه‌نجوومه‌نی ئاسایشی هه‌رێمی كوردستان و كەمال كەركووكی فه‌رمانده‌ی هێزه‌كانی پێشمه‌رگه‌ی كوردستان له‌ پردێ لەو میحوەرە ئامادەبوون.

له‌ داستانی پردێ خیانه‌تكاران چاوساغی میلیشیاكانیان ده‌كرد و له‌ میدیاكان ده‌هۆڵی ئه‌وه‌یان ده‌كوتا سوپای عێراق تا زاخۆ ناوه‌ستێ، به‌ڵام پێشمه‌رگه‌ی كوردستان به‌ توندی وه‌ڵامیان دانه‌وه‌ و ئه‌برامزه‌كانی ئه‌مه‌ریكایان تێكشكاند.


وشە - محەمەد میران


PM:06:03:16/06/2018




ئه‌م بابه‌ته 4119 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌