بەڕێوەبەرایەتی ڕۆشنبیری و لاوانی سلێمانی سەر بە وەزارەتی ڕۆشنبیری حكوومەتی هەرێمی كوردستان، ساڵوەگەڕی حەسەن زیرەك دەكاتەوە.
ئەمڕۆ دووشەم 25ـی حوزەیران/ یۆنیۆ، بەگوێرەی ئەو بانگێشتنامەیەی وێنەیەكی دەست"وشە" كەوتووە تیایدا هاتووە، ڕۆژی سێشەم 26ـی حوزەیران لە سەرای سلێمانی ساڵوەگەڕی هونەرمەند حەسەن زیرەك دەكرێتەوە.
لە بەشێكی بانگێشەتەكە هاتووە ئاهەنگەكە بە ئامادەبوونی هونەرمەندان، ناسڕ ڕەزازی و ئیحسان زیرەك و كاروان نەی و دڵشاد سەڵاح داودە بەڕێوە دەچێت و هاتن بۆ هەموو كەسێكە.
لە ساڵوەگەڕی حەسەن زیرەكە لە بەشێكی یادەكە پێشانگای هونەری فۆتۆگرافی و خۆشنووسی و جلوبەرگ دەكرێتەوە.
حەسەن زیرەك ناوی حەسەنی كوری عەبدوڵایە لە ساڵی 1921 لە شاری بۆكان لە گەڕەكی قەڵا لە دایك بووە.
لە ساڵی (1972) كۆچی دوای دەكات و لەسەر وەسیەتی خۆی لە گۆڕستانی ناڵەشكێنە و لە تەنیشت گۆڕی (چاكە چكۆلە) بەخاك دەسپێرێت.
زیرەك خاوەن سەتان گۆرانیی ڕەسەنی كوردییە، گۆرانیی نەورۆزیش كە هۆنراوەی پیرەمێردە بووەتە سروودی نەورۆز و جوانی لای كورد كە گرنگییەكی زۆری هەیە لەلایەن حەسەن زیرەك گوتراوە.