ویكیلیكس دەیان هەزار بەڵگەی نهێنیی ئەردۆغان بڵاو دەكاتەوە


پێگەی ویكیلیكس دەیان هەزار نامەی ئەلیكترۆنی دزەپێكراوی شەوی ڕابردوو بڵاو كردەوە و تێیدا بە ڕوونی نهێنییەكانی بیرات بێرق وەزیر وزەی توركیا كە هاوكات زاوای سەركۆماری توركیا رەجەب تەیب ئەردۆغان ئاشكرا دەبن، كە نەوتی لە ڕێكخراوی تیرۆریستی داعش كڕیوە و بردوویەتییەوە توركیا.
ژمارەی ئەو بەڵگەنامە و نامە ئەلیكترۆنییانەی كە ویكیلیكس بڵاوی كردووەوە، دەگاتە دەیان هەزار ئیمەیڵ، شەوی ڕابردوو ویكیلیكس هەموو ئیمەیڵەكانی لەسەر پێگەی فەرمی خۆی بڵاو كردەوە.

بەگوێرەی نهێنییەكانی نێو بەڵگەنامەكان لە ڕێی نێوەندگیری كۆمپانیای "پاوەر ترانس" كە تێوەگلاوە لە كڕینی نەوت لە ڕێكخراوی تیرۆریستی داعش بۆ توركیا، زاواكەی رەجەب تەیب ئەردۆغانیش هانی ئەو كۆمپانیایەی داوە و كاری لەگەڵ  كردوون، بۆیە سەرەڕای ئەوەی ئێستە كاركردنی ئەو كۆمپانیایە لەگەڵ تیرۆریستانی داعش ئاشكرابوو، بەڵام بەهۆی ئەوەی زاواكەی ئەردۆغانیش لەگەڵیاندا بووە، هیچ ڕێوشوێنێكی یاسایی بەرامبەر ئەو كۆمپانیایە نەگیراوەتەبەر و ناشگیرێتەبەر.

جێی باسە لە 2011ەوە حكوومەتی توركیا بڕیارێكی دەركرد، كە هاوردەكردنی نەوتی تیرۆریستانی لە سووریاوە بۆ توركیا بەهەموو شێوەیەك قەدەغە دەبێت، بەڵام ئەو كۆمپانیایە بێ گوێدانە بڕیارەكەی حكوومەت بە یارمەتی زاواكەی ئەردۆغان بەردەوام بووە لە كارەكانی.

هەروەها لە نێو بەڵگەنامەكاندا دەیان ئیمەیڵی نێوان زاواكەی ئەردۆغان و بەتول یەلماز بەڕێوەبەری سەرچاوە مرۆیییەكانی كۆمپانیای كالیك دۆزراونەتەوە، كە بێرات بەیرەقی زاوای ئەردۆغان سەرۆكی جێبەجێكاری كۆمپانیاكەیە و باسی پێوەندییەكان و كارەكانیان لەگەڵ كۆمپانیای "پاوەر ترانس" كردووە، هەرچەندە پێشتر زاواكەی ئەردۆغان كاركردنی لەگەڵ ئەو كۆمپانیایە بە تەواوی ڕەت كردەوە، بەڵام ئەو بەڵگانە دەریدەخەن كە ڕاستی نەگوتووە و لە ڕاستیدا ئەو كاری لەگەڵ كۆمپانیاكە كردووە.

جێی باسە ڕێكخراوی تیرۆریستی داعش لە ساڵی 2015دا توانی 10 كێڵگەی نەوتی گەورەی عێراق و سووریا بخاتە ژێر كۆنتڕۆڵی خۆیەوە و لە بازاڕی ڕەش نەوتی هەناردە دەكرد و دەیفرۆشت بەوهۆیەوە ساڵانە 350 تا 600 ملیۆن دۆلاری ئەمەریكی دەست دەكەوت.

سەرچاوە/سكای نیوز.



وشە - باز ئه‌حمه‌د


AM:09:12:06/12/2016




ئه‌م بابه‌ته 696 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌