خشته‌ی دابه‌شكردنی مووچه‌ له‌ "وشه‌" بخوێنه‌وه‌

به‌گوێره‌ی خشته‌یه‌كی وه‌زاره‌تی دارایی و ئابووری حكوومه‌تی هه‌رێمی كوردستان دابه‌شكردنی مووچه‌ی مانگی حوزه‌یران/یۆنیۆی ئه‌مساڵ تا 15ی ئه‌م مانگه‌ به‌رده‌وام ده‌بێ و  15 وه‌زاره‌ت و دامه‌زراوه‌ی هه‌رێمی كوردستان مووچه‌یان به‌سه‌ردا دابه‌ش ده‌كرێ.

له‌ خشته‌كه‌ هاتووه‌، ڕۆژی پێنجی ئه‌م مانگه‌ دیوان و لیواكانی پێشمه‌رگه‌ مووچه‌یان پێ دراوه‌، ئه‌مڕۆ دووشه‌میش یه‌كه‌ی 80 و 70 مووچه‌ وه‌رده‌گرن، سه‌بی وه‌زاره‌تی په‌روه‌رده‌ و چوارشه‌م هه‌شتی مانگ وه‌زاره‌تی ته‌ندروستی مووچه‌ی پێ ده‌درێت.

له‌ به‌شێكی تری خشته‌كه‌ هاتووه‌، ڕۆژی یه‌كشه‌می هه‌فته‌ی داهاتوو كه‌ ده‌كاته‌ 12 ئاب/ئۆگه‌ست وه‌زاره‌تی شه‌هیدان و شه‌هد و ئه‌نفال و زیندانیانی سیاسی و وه‌زاره‌تی خوێندنی باڵا مووچه‌ وه‌رده‌گرن، بۆ ڕۆژی دواتریش ئه‌نجوومه‌نی دادوه‌ری و وه‌زاره‌تی داد و وه‌زاره‌تی ئه‌وقاف و وه‌زاره‌تی سامانه‌ سروشتییه‌كان.

هه‌روه‌ها 14ی ئه‌م مانگه‌ كه‌ ده‌كاته‌ سێشه‌م وه‌زاره‌تی كاروباری كۆمه‌ڵایه‌تی و كه‌مئه‌ندامان، بۆ ڕۆژی چوارشه‌م 15ی ئاب/ئۆگه‌ستیش مووچه‌ی ئه‌نجوومه‌نی ئاسایشی هه‌رێمی كوردستان دابه‌ش ده‌كرێت.



وشە - باز ئه‌حمه‌د


AM:08:27:06/08/2018




ئه‌م بابه‌ته 25636 جار خوێنراوه‌ته‌وه‌‌