لە كۆتاییدا جەنگەكەی لە ریال مەدرید بردەوە


ماتیۆ كۆڤاسیچی ئەستێرەی كڕواتی لە كۆتاییدا جەنگەكەی لەگەڵ یانەی ریال مەدریدی ئیسپانی بردەوە كە داوای رۆیشتنی لەم هاوینەدا كردبوو.

رۆژنامەی (ماركا)ی ئیسپانی ئاشكرای كرد: كۆڤاسیچ تەنیا یەك هەنگاوی ماوە بە فەرمی ئیمزا لەسەر گرێبەست لەگەڵ یانەی چێڵسی ئینگلیزی بكات.

سەرچاوەكە جەختیشی كردەوە كە لەچەند سەعاتی داهاتوودا یانەی چێڵسی بەفەرمی گرێبەست لەگەڵ ئەستێرەكەی كڕواتیا رادەگەیەنێ.

كۆڤاسیچ دوێنێ دووشەم رەتی كردبووەوە مەشق و راهێنان لەگەڵ یاریزانانی یانەی ریال مەدرید بكات، بەڵام ئەمڕۆ مەشق و راهێنانی كردووە و بە هاوڕێكانیشی راگەیاندووە ئیتر ماڵئاوایی لە یانەی شاهانە كردووە.

رۆژنامەكە ئاشكراشی كردووە كە كۆڤاسیچ ئەمڕۆ سێشەم دەچێتە شاری لەندەن و پشكنینی پزیشكی لە یانەی چێڵسی ئەنجام دەدات و بەفەرمیش ئیمزا لەسەر گرێبەست لەگەڵ ئەو یانەیە دەكات.

پێشبینیش دەكرێ بەهای گرێبەستەكی ئەو یاریزانە لەسەر یانەی چێڵسی بڕی 60 ملیۆن یۆرۆ بكەوێ.
 





وشە - ئامانج ئه‌كره‌م


PM:01:58:07/08/2018




ئه‌م بابه‌ته 404 جار خوێنراوه‌ته‌وه‌‌