بۆردمانی فڕۆكه‌كانی سعوودیه‌ 43 كه‌سی له‌ یه‌مه‌ن كوشت

ئه‌مڕۆ پێنجشه‌م به‌هۆی هێرشی فڕۆكه‌ جه‌نگه‌كانی سعوودیه‌ و هاوپه‌یمانان بۆ سه‌ر بنكه‌كانی تیرۆریستانی حووسی له‌ یه‌مه‌ن، به‌ر پاسێك له‌ ناوچه‌ی سه‌عده‌ كه‌وتووه‌ و به‌ده‌یان هاووڵاتیی سڤیلی كوشتووه‌ كه‌ له‌ نێوانیان منداڵیش هه‌ن.

ئاژانسی ڕۆیته‌رز له‌ هه‌واڵێكدا بڵاوی كردووه‌ته‌وه‌، ئه‌مڕۆ فڕۆكه‌كانی هاوپه‌یمانانی عه‌ره‌بی هێرشێكیان بۆ سه‌ر بنكه‌كانی حووسییه‌كان كردووه‌ و هاوكات به‌ر پاسێكیش كه‌وتووه‌ كه‌ بووه‌ته‌ هۆی كوشتنی 43 كه‌س و برینداربوونی 61 كه‌سی تر كه‌ له‌ ناویاندا منداڵ هه‌ن.

هاوپه‌یمانی عه‌ره‌بی له‌ به‌یاننامه‌یه‌كدا ڕای گه‌یاند، ئۆپراسیۆنه‌كه‌ی ئه‌مڕۆ یاسایی بووه‌ و به‌گوێره‌ی یاسای نێوده‌وڵه‌تی مرۆیی ئه‌نجام دراوه‌.

به‌گوێره‌ی زانیارییه‌كان هێرشه‌كه‌ به‌ر پاسێك له‌ باكوری ناوچه‌ی سه‌عده‌ كه‌وتووه‌ و نه‌خۆشخانه‌ی ناوچه‌كه‌ ژماره‌یه‌كی زۆر له‌ كوژراو و برینداری ڕووداوه‌كه‌یان بۆ ڕه‌وانه‌ كراوه‌ و منداڵانیش ته‌مه‌نیان له‌ نێوان 10 ساڵاندا بووه‌.

حووسییه‌كان گرووپێكی تیرۆریستین له‌لایه‌ن ئێرانه‌وه‌ پاڵپشتی ده‌كرێن، له‌ ساڵی 2007 هاتنه‌ یه‌مه‌ن و سه‌نعایان داگیر كرد و له‌گه‌ڵ حكوومه‌تی وڵاته‌كه‌ له‌ جه‌نگدان، هاوكات له‌ ساڵی 2015 هێرشیان كردووه‌ته‌ سه‌ر سعوودیه‌، بۆ ماوه‌ی سێ ساڵه‌ جه‌نگ له‌ نێوان سعوودیه‌ و ئه‌م گرووپه‌ به‌رده‌وامه‌ به‌هۆی ئه‌وه‌وه‌ هه‌زاران خه‌ڵكی یه‌مه‌ن كوژراو و بریندار و ئاواره‌ بوونه‌ و به‌ گه‌وره‌ترین ته‌نگژه‌ی دنیا داده‌نرێت. 


وشە - په‌یام محه‌مه‌د


PM:03:51:09/08/2018




ئه‌م بابه‌ته 153 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌