توالێتی گشتی لە پاریس کرایەوە.. پاشەڕۆکە دەکەنە ناو دەریاوە


هاووڵاتییان و گەشتیارانی فڕەنسا، لەمەودوا دەتوانن ڕاستەوخۆ لەسەر دەریای سین توالێتیان دەست بکەوێت و لەناو شوێنێکی گشتیدا دانراوە، کە ئەمەش بە پێشکەوتنێکی نامۆ و ناشیرینی دەبینن.

ماڵپەڕی لبنان24 بڵاوی کردەوە، لە شاری پاریسی فڕەنسا، لەسەر دەریای سین کۆمەڵە توالێتێکی گشتی کراونەتەوە، کە هاووڵاتییان دەتوانن بەکاری بهێنن و پاشەڕۆکەیان ڕاستەوخۆ دەچێتە ناو دەریاکەوە.

ئامانجی کردنەوەی ئەم توالێتانەش تەنیا بۆ ئەوەیە، هاووڵاتییان لەکاتی تەنگاویدا زوو بڕۆنە لای ئەو توالێتە سوورانە و زیان بە جەستەیان نەگات تا دەگەنە شوێنێکی تر، بەڵام پاشەڕۆکە کە ڕاستەوخۆ دەچێتە ناو دەریاکەوە، ئەمە هاووڵاتییانی تووڕە کردووە و بە شتێکی پیسی دادەنێن.

هەرچەندە ناو توالێتەکان دەرمانیان تێ کراوە و بەردەوام پاک دەکرێنەوە تا ئەو شارە بۆگەن نەبێت، بەڵام کە لە خوارەوە پاشەڕۆکان دەکاتە دەریاوە، بێگومان بۆنی پیس کردووە و دانیشتوانی شارەکەی تووڕە کردووە.

هاووڵاتییان داوا دەکەن بە زووترین کات توالێتەکان لابدرێن و توالێتی ئاسایی لە شوێنی دابنرێت، کە پاشەڕۆکان نەکاتە ناو دەریاوە و ئەو شارەیان بە پاکی و جوانی بمێنێتەوە.



وشە - ڕێناس شابان


AM:09:56:15/08/2018




ئه‌م بابه‌ته 921 جار خوێنراوه‌ته‌وه‌‌