سەرۆك بارزانی و سەركردەكانی سوننە پێكهێنانی حكوومەتیان تاوتوێ كرد
سەرۆك بارزانی پێشوازی لە شاندی باڵای هاوپەیمانیی میحوەری وەتەنی عێراق كرد و هەردوولا هاوڕا بوون كە پێویستە گرەنتی و میكانیزمی ڕوون بۆ پابەندبوون بە دەستوور و جێبەجێكردنی ڕێككەوتنەكان دابنرێت بە جۆرێك كە ڕێ لە تاكڕۆیی لە بەڕێوەبردنی وڵات و پەراوێزخستنی پێكهاتەكان بگیرێت.
ئەمڕۆ یەكشەم 19ی ئاب/ ئۆگستس، سەرۆك بارزانی پێشوازی لە شاندی باڵای هاوپەیمانیی میحوەری وەتەنی عێراق بە سەرۆكایەتی شێخ خەمیس خەنجەر سەرۆكی هاوپەیمانیيهكه كرد.
لە دیدارێكدا بیروڕا لەبارەی پڕۆسەی سیاسیی عێراق و پێكهێنانی حكوومەتی نوێی عێراق و سوود وەرگرتن لە ئەزموون و هەڵەكانی ڕابردوو ئاڵوگۆڕ كرا.
هەر لەو كۆبوونەوە هەردوولا هاوڕا بوون كە پێویستە گرەنتی و میكانیزمی ڕوون بۆ پابەندبوون بە دەستوور و جێبەجێكردنی ڕێككەوتنەكان دابنرێت بە جۆرێك كە ڕێ لە تاكڕۆیی لە بەڕێوەبردنی وڵات و پەراوێزخستنی پێكهاتەكان بگیرێت.
كۆبوونەوەكە دووپاتی لە هاوئاهەنگی و پێوەندیی بەردەوامی هەردوولا كردەوە بۆ بەشداریی كارا لە پرۆسەی سیاسی و جێبەجێكردن و ڕەچاوكردنی ئەو بنەمایانەی كە لە خزمەت هاوبەشی هەموو پێكهاتەكان بێت لە حكوومەتی داهاتووی عێراقدا.
وشە -
سهرخێڵ هاشم