سەرۆك بارزانی و سەرۆكی هۆزی شەمەر چەند پرسێكیان تاوتوێ كرد
ئەمڕۆ یەكشەم 19ی ئاب/ ئۆگەستس، سەرۆك بارزانی و سەرۆكی هۆزی شەمەر تاوتوێی بارودۆخی سیاسیی و تەناهیی عێراق و كاركردن بۆ پێكەوەژیانی نێوان پێكهاتەكان و نەهێشتنی ئاسەواری هزری تیرۆر و توندڕۆییان كرد.
بەپێی هەواڵێكی ماڵپەری تایبەتی سەرۆك بارزانی لە سەلاحەدین سەرۆك بارزانی پێشوازی لە شێخ عەبدوڵا عەجیل یاوەر ئەلشەمەری كەسایەتی ناسراوی عێراقی و سەرۆكی هۆزی شەمەر كردووە.
وەك لە هەواڵەكەدا ئاماژەی بۆ كراوە، لەو دیدارەدا بارودۆخی سیاسیی و تەناهیی عێراق و كاركردن بۆ پێكەوەژیانی نێوان پێكهاتەكان و نەهێشتنی ئاسەواری هزری تیرۆر و توندڕۆیی تاوتوێ كرا.
هەروەك لە كۆتای هەواڵەكەدا هاتووە، لەو دیدارەدا ڕۆشنایی خرایە سەر دۆخی ئاوارەكان و پڕۆسەی گەڕانەوەی ئەو خەڵكانەی كە بەهۆی هاتنی تیرۆریستانی داعش ماڵ و حاڵی خۆیان جێ هێشتبوو.
وشە -
سهرخێڵ هاشم