بە وێنە.. ڕووداوێكی هاتوچۆ لە هەولێر ژمارەیەك قوربانی لێ كەوتەوە
ئێوارەی ئەمڕۆ پێنجشەم 23ی ئاب/ ئۆگەستس، لە ڕێی هەولێر – پیرمام رووداوێكی هاتوچۆ ڕوویدا و ژمارەیەك قوربانی لێ كەوتەوە.
فازڵ حاجی بەرێوەبەری ڕاگەیاندنی هاتوچۆی هەولێر بە "وشە"ی ڕاگەیاند، ڕووداوەكە لەنێوان پاسێكی گەشتیاران و ئۆتۆمبێلێكی جۆری تۆیۆتا لاندكرۆز بووە كە هاوشێوە پاسەكە ئەویش گەشتیار بووە و هاتووەتە كوردستان.
ڕوونیشی كردەوە كە پاسە گەشتیارییەكە خۆی كێشاوە بە ئۆتۆمبێلەكەی تردا و لە ئەنجامدا چوار لە سەرنشینانی ناو تۆیۆتاكە بریندار بوون.
وەك ئەو بەرپرسەی هاتوچۆی هەولێر ئاماژەی بۆ كرد شۆفێری پاسە گەشتیارییەكە بڕێكی زۆری مادەی كحوولی خواردووەتەوە و خۆی پێ نەگیراوەتەوە.
ئەوە لەكاتێكدایە كە ئێستە ژمارەیەكی زۆر لە گەشتیار ڕوویان لە ناوچەكانی كوردستان كردووە و لەم جەژنەیشدا ئەوە یەكەم ڕووداوە كە چوار كەس تیایدا ببنە قوربانی.
وشە -
سه‌رخێڵ هاشم