هه‌فته‌ى داهاتوو به‌ هۆى رووداوێكى گه‌ردوونى پێوه‌ندییه‌ ته‌له‌فۆنییه‌كان ده‌پچڕێن

ئاژانسه‌كانى دنیا بڵاویان كردووه‌ته‌وه‌، هه‌فته‌ى داهاتوو گێژه‌ڵووكه‌یه‌كى خۆر به‌ر به‌رگه‌ى هه‌واى زه‌وى ده‌كه‌وێت و زیانى بۆ پێوه‌ندییه‌ ته‌له‌فۆنى و په‌خشى كه‌ناڵه‌كان ده‌بێت.

 رۆژنامه‌ى ده‌یلى مایلى به‌ریتانى بڵاوى كردووه‌ته‌وه‌، بۆشایییه‌كى گه‌وره‌ له‌ خۆر دروست بووه‌، له‌گه‌ڵ ده‌ركه‌وتنى شه‌به‌نگى جه‌مسه‌ره‌كان، كاریگه‌رى به‌سه‌ر ئه‌مه‌ریكاى باكور و به‌ریتانیا ده‌بێت.

شه‌به‌نگى رۆژ وه‌ك تێكه‌ڵه‌یه‌ك له‌ ره‌نگه‌كان له‌ هه‌ردوو جه‌مسه‌رى باكور و باشوورى گۆى زه‌وى ده‌رده‌كه‌وێت و خۆشى ده‌خاته‌ دڵى بینه‌ره‌كانى.

له‌گه‌ڵ ئه‌وه‌شدا زانایان پێشبینییان كردووه‌، له‌وانه‌یه‌ رۆژى سێشه‌مى داهاتوو گێژه‌ڵووكه‌یه‌كى خۆر روو بدات و كاریگه‌رى به‌سه‌ر سیسته‌مى"GPS" ، ئاماژه‌كانى بێته‌ل و پێوه‌ندییه‌ ته‌له‌فۆنییه‌كان و په‌خشى كه‌ناڵه‌كان هه‌بێت، هه‌روه‌ها به‌دوور نازانرێ جووڵه‌ى فڕۆكه‌وانیش نیگه‌ران بكات.

 ده‌سته‌ى نیشتمانى بۆ وێستگه‌ و به‌رگه‌ هه‌واڵه‌ له‌ به‌ریتانیا گوتوویه‌تى، ئاستى ئه‌م گێژه‌ڵووكه‌یه‌ له‌ جۆرى G2  ده‌بێت و به‌به‌راورد له‌گه‌ڵ ئاشتى چواره‌م و پێنج، به‌ ئاستێكى مامناوه‌ندى داده‌نرێت.

 ده‌سته‌كه‌ ده‌ڵێ "پێشبینى ده‌كه‌ین تا ئاستێكى زۆر گێژه‌ڵووه‌كه‌یه‌كى ئاسایى و ساده‌ بێت".



سه‌رچاوه‌/ سكاى نیوز




وشە - فه‌یسه‌ڵ خه‌لیل


PM:12:15:12/09/2018




ئه‌م بابه‌ته 14530 جار خوێنراوه‌ته‌وه‌‌