لە سلێمانی دەست بەسەر كێلگەیەكی بەرهەمهێنانی مادەی هۆشبەردا گیرا

لەناو یەكێك لە باخەكانی دەوروبەری سنووری سلێمانی كێلگەیەكی بەرهەمهێنانی مادەی هۆشبەر دەستی بەسەردا گیرا و خاوەنی كێلگەكەیش گیرا، بەڵام ئاسایشی شارەكە هیچ زانیارییەكی لەبارەی بڕی بەرهەمهێنانی مادەی هۆشبەر لەو كێلگەیە ئاشكرا نەكردووە.

ئەمڕۆ چوارشەم 12ی ئەیلوول/ سێپتێمبەر، جەلال ئەمین بەگ بەڕێوەبەری هۆبەی نەهێشتنی مادە هۆشبەرەكان لە ئاسایشی سلێمانی كۆنگرەیەكی ڕۆژنامەوانی ئەنجامدا و ڕای گەیاند، بە هاوكاری لەگەڵ ئاسایشی بازگەكان دەستیانگرتووە بەسەر كێڵگەیەكی بەرهەمهێنانی مادەی هۆشبەر لە نزیك سلێمانی.

بەرپرسەكەی ئاسایشی سلێمانی هیچ زانیارییەكی لەسەر كێلگەكە ڕانەگەیاند و تەنیا ئاماژەی بۆ ئەوە كرد كە بە فەرمانی دادوەر خاوەنی كێڵگەكە گیراوە.

ئەوە لەكاتێكدایە كە بەسەتان بازرگان و بەكارهێنەری مادەی هۆشبەر لەماوەی چەند مانگی ڕابردوو لە سلێمانی گیرابوون سەرباری ئەوەی دیاردەی بردنی مادەی هۆشبەر بۆ زیندانەكانی شارەكەیش سەری هەڵدابوو.




وشە - سه‌رخێڵ هاشم


PM:06:35:12/09/2018




ئه‌م بابه‌ته 437 جار خوێنراوه‌ته‌وه‌‌