بارزان.. زنجیره‌ كۆڕێكی ڕۆشنبیری پێشكه‌ش كرا


به‌ مه‌به‌ستی تاوتوێكردنی پرس و بابه‌ته‌ هونه‌ری، ڕۆشنبیری و كۆمه‌ڵایه‌تییه‌كان، زنجیره‌ كۆڕێك له‌ بارزان به‌ڕێوه‌ چوو و تێیدا ده‌یان باسی گرنگ گفتوگۆیان له‌سه‌ر كرا.

له‌ بنكه‌ی هونه‌ری و ڕۆشنبیری بارزان و شاره‌دێی بلێ، زنجیره‌ كۆڕێكی ڕۆشنبیری له‌ ماوه‌ی چوار ڕۆژدا به‌ڕێوه‌ چوو، تێیدا ده‌یان مامۆستای زانكۆ، پسپۆڕ، ڕۆشنبیران و كه‌سایه‌تی ناسراو و قوتابییان به‌شدارییان كرد.

له‌و كۆڕانه‌دا باس له‌ ته‌واوی بابه‌ته‌ كۆمه‌ڵایه‌تی و هونه‌ری و ڕۆشنبیرییه‌كانی تایبه‌ت به‌ گه‌نجان كران، به‌رچاوڕوونییان له‌سه‌ر زۆربه‌ی شته‌كانی پێوه‌ست به‌ ته‌مه‌نیانه‌وه‌ پێ درا.

موسلیم دۆڵه‌مه‌ڕی له‌و بنكه‌یه‌دا به‌ "وشه‌"ی گوت: "بابه‌ته‌كان به‌ گشتی تایبه‌ت بوون به‌ ژنان و پرسه‌ كۆمه‌ڵایه‌تییه‌كان، هه‌روه‌ها باسكردنی كۆچی گه‌نجانی بارزان له‌ لادێكانه‌وه‌ بۆ شار، هاوسه‌رگیری و بابه‌ته‌ یاسایییه‌كان و چه‌ندان پرسی تری تێدا بوو".

ئه‌مه‌ یه‌كه‌م جاره‌ زنجیره‌ كۆڕی ڕۆشنبیری له‌م شێوه‌یه‌ له‌ ده‌ڤه‌ری بارزان به‌ڕێوه‌ بچێت، بۆیه‌ به‌ قۆناغێكی مه‌زن و پێشكه‌وتنی ئاستی ڕۆشنبیریی هاووڵاتییان و ژنانی ئه‌و ناوچه‌یه‌ دێته‌ ژمار.

بارزان/ نه‌وزاد هلۆری


وشە - ڕێناس شابان


PM:01:41:13/09/2018




ئه‌م بابه‌ته 159 جار خوێنراوه‌ته‌وه‌‌