كەم خوێنی تا چەند دڵ ماندوو دەکات؟

ئەنیمیا یان كەمخوێنی بەو دەستەواژە پزیشكییە دەناسرێت كە جەستەی مرۆڤ ڕێژەی پێویست لە خرۆكەی سووری تەندروستی تێدا بەدی ناكرێت تا بتوانێت ڕێژەی پێویستی ئۆكسجین بۆ شانە و خانەكانی جەستە بگوازێتەوە، بە شێوەیەكی گشتی بە ئاستی 7% هاووڵاتییان تووشبوی كەم خوێنین كە ناسراوە بە "ئەنیمــیا".

نیشانە باوەكانی كەم خوێنی بریتین لە لاوازی جەستە، ناهاوسەنگی، سەرئێشەی بەردەوام، كاڵی یا زەردباوی ڕەنگی پێست و نزمی پلەی گەرمی جەستە. یەكێك لە گرفتە كوشندەكانی كەم خوێنی بریتیە لە ماندووبونی دڵ بەهۆی پێویستی بەردەوامی جەستە بە ڕێژەی دیاریكراوی ئۆكسجین و كەمی ئاستی خڕۆكە سورەكان، كە ئەمەش بە شێوەیەكی بەردەوام دڵ دەخاتە ژێر فشار و كورتی هەناسەدان و ئێشی سنگ دروست دەكات.

بەمەبەستی كەم كردنەوە و ڕێگریكردن لە نیشانەكانی كەم خوێنی وا بە باش دەزانرێت كە خۆراكی تەندروست بە مەبەستی بەرزكردنەوەی ئاستی خرۆكە سورەكان پێڕەو بكرێت وەكو خواردەمەنیەكانی ماسی، نیسك، جگەر، سەوزەمەنییەكان و گۆشتی سور، هەروەهـــا خۆراكی تێر لە ڤیتامینەكان وەكو هێلكە و شیرەمەنیەكان، سپێناغ و میوەی جۆراوجۆر.

د. تۆڵە فەرەج / هەولێر



وشە - باز ئه‌حمه‌د


AM:10:25:24/09/2018




ئه‌م بابه‌ته 651 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌