مه‌سعوود بارزانی سه‌رۆكی هه‌رێمی كوردستان و عادل عەبدولمەهدی سیاسەتمەدار و سەركردەی ئەنجوومەنی باڵای ئیسلامیی عێراق كۆبوونه‌وه.
به‌پێی ڕاگه‌یاندراوی سه‌رۆكایه‌تی هه‌رێمی كوردستان، له كۆبوونه‌وه‌كه‌دا كه ئه‌مڕۆ پێنجشه‌م ئه‌نجام دراوه، بارودۆخی سیاسیی عێراق و سەردانی بارزانی و شاندی یاوەری بۆ بەغدا خرایە بەر باس و گفتوگۆ و باس لە ڕێگەچارەكان بۆ یەكلاییكردنەوەی كێشەكان كرا. هەردوولا جەختیان لەسەر دیالۆگ و لێكتێگەییشتنی نێوان لایەنەكان كردەوە بۆ چارەسەری گرفتەكان.
لە بەشێكی دیكەی كۆبوونەوەكە تیشك خرایە سەر بارودۆخی ته‌ناهی و ئامادەکارییەکان بۆ كرده‌وه‌گه‌لی ئازادکردنی مووسڵ و لەوبارەیەشەوە هەماهەنگی و هاوکاریی نێوان هێزی پێشمەرگە و سوپای عێراق و هاوپەیمانان بەرز نرخێندرا.
وشە/ کوردۆ شابان