ئه‌پڵ بۆ یه‌كه‌مجار كاتژمێرێكى نایكی ده‌خاته‌ بازاڕه‌وه‌


كۆمپانیای ئه‌پڵ به‌ڕێكه‌وتن له‌گه‌ڵ كۆمپانیای وه‌رزشی نایكی بڕیاریاندا كاتژمێرێكی تایبه‌تی وه‌رزشی دروست بكه‌ن كه‌ هه‌مان تایبه‌تمه‌ندی كاتژمێری ئه‌پڵ "Series 4" هه‌بێت به‌ڵام به‌دیزاینی نایكی.

به‌گوێره‌ی هه‌واڵێك كه‌ له‌ ماڵپه‌ڕی "theverge" دا بڵاو كراوه‌ته‌وه‌ و باس له‌ نوێترین كاری ئه‌پڵ و نایكی ده‌كات و ئاماژه‌ی پێ داوه‌، كۆمپانیای ئه‌پڵ به‌ڕێكه‌وتن له‌گه‌ڵ كۆمپانیای نایكی وه‌رزشی بۆ یه‌كه‌م جار كاتژمێرێكی زیره‌كیان دروست كرد كه‌ هه‌مان سیسته‌م و تایبه‌تمه‌ی " Series 4 "ی هه‌بێت، به‌ڵام دیزاینه‌كه‌ كۆمپانیای نایكی دایبنێت و له‌سه‌ر شێوازی كاتژمێرێكی وه‌رزشی بێت.

ئه‌م كاتژمێره‌ زیره‌كه‌ ته‌نیا بۆ ماوه‌یه‌كی دیاری كراو ده‌خرێته‌ بازاڕه‌وه‌ به‌ناوی كاتژمێری زیره‌كی " Nike+ Series 4" كه‌ به‌ چه‌ند ڕه‌نگێكی جیاوازه‌ وه‌ك "سپی، ڕه‌ش، زه‌رد، سوور و قاوه‌یی"، جگه‌ له‌وه‌یش دوو كۆمپانیاكه‌ نرخی تایبه‌تیان بۆ داناوه‌ كه‌ ته‌نیا 399 دۆلاری ئه‌مه‌ریكییه‌، 100 دۆلار كه‌متر له‌ به‌رهه‌مه‌ سه‌ره‌كییه‌كه‌.

كۆمپانیای ئه‌پڵ له‌ ساڵی 1976 له‌ ‌لایه‌ن ستیڤ وۆزنه‌یك و ستیڤ جۆبس له‌ ئه‌مه‌ریكا  دامه‌زرا و له‌ ساڵی 1984 ئه‌پڵ ده‌ستی به‌ فرۆشتنی كومپیوته‌ر كرد، هه‌روه‌ها له‌ ساڵی 2010 ئه‌پڵ ده‌ستی به‌ فرۆشتنی ئایپاد كرد، له‌گه‌ڵیدا له‌ ساڵی 2011 ئایپاد دوو خرایه‌ روو و له‌ ساڵی 2012 ئایفۆنی پێنج و ئایپادی مینی خسته‌ بازاڕه‌وه‌ و له‌و كاته‌وه‌ ئه‌پڵ به‌ یه‌كێك له‌ كۆمپانیا زلهێزه‌كانی دنیا ده‌ناسرێت.


وشە - ڕۆزی عه‌بدولره‌حمان


PM:05:00:08/10/2018




ئه‌م بابه‌ته 342 جار خوێنراوه‌ته‌وه‌‌