تا ئێستا میسی لە باڵۆن دۆڕ یەكەمە


بەگوێرەی ئەو راپرسییەی كۆواری (فڕانس فوتباڵ)ی فڕەنسی ئەنجامی دەدات سەبارەت بە براوەی خەڵاتی تۆپی زێڕین (باڵۆن دۆڕ) باشترین یاریزانی 2018ی جیهان، تا ئێستا لیۆنێل میسی ئەستێرەی ئەرجەنتینی و یانەی بەرشەلۆنەی ئیسپانی لە ریزبەندی یەكەمدایە.

كۆوارەكە ناوی 30 یاریزانی بەربژێر كردووە بۆ بردنەوەی خەلاتەكە و لەسەر ماڵپەڕە فەرمییەكەی خۆشیدا راپرسی بۆ هەوادارانی تۆپی پێ لەسەرتاسەری جیهان كردۆتەوە.

بەگوێرەی ئەنجامە سەرەتاییەكانی راپرسییەكە دەركەوتووە تا ئێستا میسی لە پێشەوەی هەر 30 بەربژێرەكەیە و رێژەی 45%ی دەنگەكانی بەدەستهێناوە، دوای ئەویش محەمەد سەڵاحی ئەستێرەی میسڕی و یانەی لێڤەرپوولی ئینگلیزی دێت كە 34%ی دەنگەكانی بەدەستهێناوە و كریستیانۆ رۆناڵدۆی ئەستێرەی پورتوگالی و یانەی یۆڤێنتۆسی ئیتاڵیش 8%ی دەنگەكانی بردۆتەوە.

هەر بە گوێرەی راپرسییەكە كیلیان مباپێ، نیمار دا سیلڤا و لوكا مۆدریچ رێژەی 2%ی دەنگەكانیان بەدەستهێناوە، ئەنتوان گریزمان و رافایێل ڤارانیش 1%ی دەنگەكانیان بەدەستهێناوە.

كۆواری فڕانس فوتباڵ پێشتر رایگەیاندبوو كە رۆژی 3ی كانوونی یەكەم (مانگی 12)ی داهاتوو لە ئاهەنگێكدا ناوی براوەی خەڵاتی باڵۆن دۆڕ ئاشكرا دەكات.




وشە - ئامانج ئه‌كره‌م


PM:12:31:10/10/2018




ئه‌م بابه‌ته 462 جار خوێنراوه‌ته‌وه‌‌