وه‌زاره‌تى ته‌ندروستى حه‌بێكی بڵاو كردووه‌ته‌وه‌.. مرۆڤ تووشی شێرپه‌نجه‌ ده‌كات

میدیاكانى عێراق بڵاویان كردووه‌ته‌وه‌، به‌ ره‌زامه‌ندى وه‌زاره‌تى ته‌ندروستى عێراق، حه‌بێك بڵاوكردووه‌ته‌وه‌ كه‌ هۆكارێكه‌ بۆ تووشبوون به‌ نه‌خۆشى شێرپه‌نجه‌.

 پێگه‌ى" بغدادنیوز"ى عێراقى بڵاوى كردووه‌ته‌وه‌، له‌چه‌ند رۆژى رابردوودا تۆڕه‌كانی كۆمه‌ڵایه‌تی و میدیاكانى عێراق باس له‌ بڵاوبوونه‌وه‌ى ده‌رمانێك ده‌كه‌ن، كه‌ ئه‌گه‌رێكى زۆرى هه‌یه‌ به‌كارهێنه‌رانى تووشى شێرپه‌نجه‌ بكات.

 ئه‌و ده‌رمانه‌یش كه‌ باسى لێوه‌ده‌كرێت، حه‌بێكه‌ ناوه‌كه‌ى بریتییه‌ له‌ "DIOVAN" .

به‌غداد نیوز باسى له‌وه‌ كردووه‌، ئه‌م ده‌رمانه‌ له‌لایه‌ن وه‌زاره‌تى ته‌ندروستى ڕه‌زامه‌ندى هاورده‌كردنى پێدراوه‌ و كه‌چى كۆمپانیاى ده‌رمانى عێراقى هۆشدارى له‌ باره‌ى به‌كارهێنانى داوه‌ و داواى كردووه‌ته‌ له‌ ده‌رمانخانه‌كه‌ كۆ بكرێته‌وه‌ و رێگریى له‌ بڵاوكردنه‌وه‌ى بكرێت.

 ئه‌م جۆره‌ ده‌رمانه‌ كه‌ باسى لێوه‌ده‌كرێت، بۆ فشارى خوێن و رێكخستنى سووڕى خوێن و هه‌ندێك نه‌خۆشى دڵ به‌كارده‌هێنرێت.

 كه‌رتى ته‌ندروستى له‌ عێراق پێشتر كه‌رتێكى گشتى بوو له‌ لایه‌ن حكوومه‌تى عێراق سه‌رپه‌رشتى ده‌كرا، به‌ڵام ئێسته‌ كه‌رتێكى تێكه‌ڵه‌ی " گشتى و تایبه‌ته‌" بۆیه‌ به‌شێك له‌ به‌رپرسانى عێراق بۆ ره‌واجدان به‌ كه‌رتى تایبه‌تى ته‌ندروستى، كه‌رتى گشتیان فه‌رامۆش كردووه‌ و به‌خواستى خۆیان ده‌رمان هاورده‌ ده‌كه‌ن.




وشە - فه‌یسه‌ڵ خه‌لیل


PM:04:10:22/10/2018




ئه‌م بابه‌ته 10535 جار خوێنراوه‌ته‌وه‌‌