یەكەتیی تۆپی پێی كوردستان بڕیاری دا لە سەرجەم یارییەكانی گەڕی پێنجەمی خولەكانی كوردستان یاریی بە تۆپی ئۆرجیناڵی مۆندیالی 2018ی رووسیا بكات.
سەفین كانەبی سەرۆكی یەكەتیی تۆپی پێی كوردستان رایگەیاند: بۆ لەمەودوا لە گەڕی پێنجەمی خولی نایاب و خولی پلە یەکی کوردستان یارییەکان بە تۆپی مۆندیالی رووسیا بەرێوە دەچێت.
كانەبی هەروەها رایگەیاند: هیوادارم سەرجەم یانە و سەرپەرشتیاریی یاری و ناوبژیوانەکان پابەندبن و یارییەکان تەنیا بەم تۆپه بەرێوە ببەن، ئەمەیش بۆ ئەوەی ڕوویەکی جوانتری خولەکانی کوردستان پێشان بدەین.
جێی باسە لە وەرزی ئەمساڵی خولی نایاب و پلە یەكەكانی كوردستان تا ئێستا 3 گەڕ بەڕێوەچوون و بڕیاریشە رۆژانی پێنجشەم و هەینی یارییەكانی گەڕی چوارەم بەڕێوەبچن، یارییەكانی خولی نایابیش بەمشێوەی خوارەوە دەبن:-
قۆناخی یەکەم ـ گەڕی چوارەم
رۆژی پێنج شەم 2018/11/08
ئاکرێ ـ هەندرێن
هەولێر ـ دەربەندیخان
پێشمەرگەی هەولێر ـ زێرەڤانی
رۆژی هەینی 2018/11/09
برایەتی ـ نەورۆز
شێروانە ـ دهۆک
زاخۆ ـ گازی باکوور
ئارارات ـ پێشمەرگەی سلێمانی