بەڕێوبەرایەتی گشتیی حەج و عەمرەی هەرێمی كوردستان، لە كۆنگرەیەكی ڕۆژنامەوانیدا دەستپێكردنەوەی تۆماركردنی ناوی حاجییانی ڕاگەیاند.
شێخ قاسم ڕەسووڵ بەڕێوەبەری گشتیی حەج و عەمرەی هەرێمی كوردستان ڕای گەیاند، لە هەرێمی كوردستان 18 بنكەی ناو تۆماركردن لە سبەی ڕۆژی چوارشەمەوە دەكرێنەوە.
"وشە" بۆ ئاسانكاری بۆ هاووڵاتییان ناوی سەرجەم بنكەكانی ناو تۆماركردن بڵاو دەكاتەوە:
پارێزگای هەولێر
مزگەوتی سەواف
سێ بنكە لە شارۆكەی كۆیە، شەقڵاوە، سۆران.
پارێزگای سلێمانی
باڵەخانەی بەڕێوەبەرایەتی حەج و عەمرە
مزگەوتی عەبدوڵا لوتفی
بنكەكانی دەرەوەی شار
شارۆكەی ڕانیە و چەمچەماڵ بنكەی تایبەتیان بۆ دەكرێتەوە
شارەزوور لە سلێمانی ناویان تۆمار دەكەن
پارێزگای دهۆك
بەڕێوەبەرایەتی حەج و عەمرەی دهۆك
شەش بنكەش لە دەرەوەی شاری دهۆك دەكرێنەوە برتین لە:
زاخۆ، سێمێل، ئامێدی، ئاكرێ، بەردەڕەش، شێخان.
پارێزگای هەڵەبجە
لە بینای بەڕێوەبەرایەتی گشتیی حەج و عەمرە ناو تۆمار دەكرێت.
پڕكردنەوەی فۆڕم و ناو تۆماركردن بۆ حەج ماوەی 15 ڕۆژ بەردەوامی دەبێت، هەر فۆڕمێك لە بەرامبەر وەرگرتنی، هاووڵاتی دەبێت 50 هەزار دینار بدات.