به‌هۆى ڕووداوێكى هاتوچۆ سێ كه‌س كه پێشمه‌رگه بوون بوونه‌ته قوربانى، به‌مه‌یش ڕووداوه‌كانى هاتوچۆ له سنوورى پارێزگاى دهۆك گه‌یشته 908 رووداو له‌ماوه‌ى سالێكدا.
ئازاد ته‌ها به‌رپرسى راگه‌یاندنى به‌رێوه‌به‌رایه‌تى گشتى هاتوچۆى دهۆك به "وشه"ى راگه‌یاند، به‌هۆى ڕووداوێكى هاتوچۆ له سنوورى شارۆكه‌ى زاخۆ سێ كه‌س بونه‌ته قوربانى.
به‌رپرسه‌كه‌ى هاتوچۆ گوتى، ڕووداوه‌كه له نزیك كومه‌ڵگاى "دێره‌بوون" روویداوه و دوو له پێشمه‌رگه‌كان گیانیان له ده‌ستداوه و پێشمه‌رگه‌یه‌كیش برینداره.
به‌پێى ئاماره‌كانى به‌رێوه‌به‌رایه‌تى گشتى هاتوچۆى دهۆك ئه‌م ساڵ تا ئێسته 908 رووداوى هاتوچۆ له سنوورى پارێزگاى دهۆك رویداوه و 948 كه‌سیش بوونه‌ته قوربانى.
دهۆك/ نه‌وزاد هلۆرى