لە دوو رۆژی رابردوودا بەفربارین لە چەندان ناوچەی رۆژهەڵاتی ناوەڕاست بەردەوامە و ناوچەی عەرعەر لە سنوورەکانی باکوری سعوودیەش بەفر گرتییەوە و دیمەنی بیابان و سپیایی بەفر تێکەڵ یەکتر بوون.
ئاژانسی هەواڵی فەرمیی سعوودیە "واس" رای گەیاند کە بەفر لە ناوچەکانی نزیک لە شاری عەرعەر و سەنتەری حەزم جەلامید و پارێزگای تەریف لە باکوری سعوودیە باریوە.
ناوچەکانی باکووری سعوودیە کەوتە ژێر کاریگەریی ئاوهەوای ساردی سێبیریا کە هاوکات بوو لەگەڵ هەڵکردنی تەوژمی شێدار و گەرمی هاتوو لە دەریای ناوەڕاست و ئەوەش بووە هۆی بارینی بەفر لەو ناوچانەدا.
وەک ئاژانمسەکە رای گەیاند پلەکانی گەرما گەیشتنە ژێر سفری سەدی لە شەودا و بەفر ناوچەی فرەوانی داپۆشیوە.
سەرچاوە: سکای نیوز