كەشناسی هەرێمی كوردستان ئاشكرای دەكات لە سبەی شەپۆڵێكی بەفر و باران هەرێمی كوردستان دەگرێتەوە و پلەكانی گەرماش دادەبەزێت.
ئەمڕۆ سێشەم 15ـی كانوونی دووەم، لە ڕاگەیەندراوێكی بەڕێوەبەرایەتی گشتی كەشناسی و بوومەلەرزەزانی هەرێمی كوردستان هاتووە، ئاسمان بۆ ئەمڕۆ تا ڕادەیەك جێگیر دەبێت و پەڵە هەور دەبێت.
كەشناسی هەرێمی كوردستان ئاشكرای كردووە، سبەی چوارشەم لە دوای نیوەڕۆ ئاسمان دەگۆڕێت بۆ نیمچە هەور و لە ئێوارەدا بۆ هەوری تەواو لەگەڵ بارینی باران، هەروەها بارینی بەفر لە ناوچە شاخاوییەكان.
ئاماژە دراوە، ئەو شەپۆڵە هەوایە پلەكانی گەرمی نزم دەكاتەوە و لە نێوان سێ بۆ 14ـی پلەی سیلیزی دەبێت.
ئەو ڕاگەیەنراوەی كەشناسی لە كاتێكدایە لە دواین ڕاپۆرتی كەشناسی بۆ ڕێژەی بارانبارین لە هەرێمی كوردستان، تا ئێستە لە هەندێك شوێنە گەیشتووە بە هەزار و 100 ملم و پێشبینی زیادبوونی ئەو ڕێژەیە بۆ هەزار و 500 ملم دەكرێت لەگەڵ بارینی بەفرێكی زۆر لە ناوچە شاخاوییەكان.
هەرێمی كوردستان كاریگەرە بەكەشوهەوای دەریای ناوەڕاست و دەریای سوور، ساڵانە لە هەندێك شوێن زیاتر لە هەزار ملم باران دەبارێت.