بەڕێوەبەرایەتی گشتی چاودێری و گەشەپێدانی كۆمەڵایەتی هەولێر ئاشكرای دەكات، لە هێڵی فریاكەوتنی منداڵان ساڵی ڕابردوو زیاتر لە هەزار و 700 پێوەندییان پێوە كراوە.
ئەمڕۆ شەموو نۆی شوبات، یوسف چاوشین بەڕێوەبەری بەڕێوەبەرایەتی گشتی چاودێری و گەشەپێدانی كۆمەڵایەتی هەولێر لە كۆنگرەیەكی ڕۆژنامەوانیدا چالاكییەكانی بەڕێوەبەرایەتییەكەی بۆ ساڵی 2018 خستەڕوو و گوتی، بۆ خانەی نەوجەوانانی كوڕان ئەم خانەیە (97) منداڵە، (26) منداڵ لە ناو خانەن و (71) منداڵ لە دەرەوەی خانەن و خانەی نەوجەوانانی كچان وەرگرتنی سودمەندان لە خانەی كچان (ماڵی خەندە) (79) منداڵە، (15) منداڵ لە ناو خانەن و (64) منداڵ لە دەرەوەی خانەن جگە لەو ژمارانەی سەرەوە (44) منداڵی تری كچ پێیوەست كراونەتەوە بە خێزانەكەیان.
بەڕێوەبەری گشتی چاودێری و گەشەپێدانی كۆمەڵایەتی هەولێر ئاشكرای كرد، لە ساڵی 2018 خانەی بەساڵاچووان (80) سوودمەندی هەبووە، هەروەها (20) بەساڵاچوو بە جیا بەشێوەیەكی كاتی لە ساڵی 2018 هێنراون بۆ خانە و گەڕاونەتەوە.
هەرچی پێوەستە بەهێڵی فریاكەوتنی منداڵان ئاماژەی دا، هێڵی گەرمی فریاكەوتنی منداڵان (هێلی 116) لە ساڵی 2018 ژمارەی ئەو پێوەندییە تەلەفۆنییانەی بە هێڵەكەوە كراون، بریتین لە (1763) پێوەندی بەم شێوەیە:
467 پێوەندی راستەقینە
118 گەیاندنی زانیاری
605 پێوەندی بێدەنگ
511 زانیاری هەڵە
62 دەست خۆشی
سەرجەم ئەو كەسانەی پێوەندییان بە هێڵەكە كردووە كێشەكانیان بریتی بوون لە دەروونی و خێزانی و تەندروستی و پەروەردەیی و دارایی و یاسایی هی تر.
هەرچی پێوەستە بە ژنی هەڕەشە لێكراو یوسف چاوشین گوتی، ژنانی هەڕەشە لێكراو لە ساڵی 2018 ژماەرەی (325) ژن پەنایان بۆ مالی داڵدەدانی هێناوە و ئێستە تەنیا (24) ژن لە ناو ماڵەكە ماون، هەروەها زۆرترین رێژەی گرفتەكان لە تەمەنی (1996-2000)دایە كە دەكاتە (86) كەس لە كۆی (289) كەس لە شەڵتەر، هەروەها (75) كەس لە نێوان تەمەنی (2001-2005)دایە.
لە (37)% كەیسەكان بڕوانامەی ناوەندییان هەبووە، سەرەتایی 27% و رێژەی نەخوێندەواری 26% ، بەڵام ئەوەی جێی سەرنجە ئەوەیە تا ئاستی خوێندن و بڕوانامەكان بەرزترین كەمتر تووشی گرفت بوونەتەوە واتا ئاستی ئامادەیی 1%دایە و دیپلوم 1%دایە و بەكەلوریۆس 6% كە ئەم سێ ئاستە لە خوێندن كەمترین ریژەن بەهەر سێ ئاست 8%دان. بەڕێوەبەری گشتی چاودێری و گەشەپێدانی كۆمەڵایەتی هەولێر وای گوت.