نرخی نەوت دابەزی


شەوی رابردوو هەفتەیەكی تر لە بازاڕی بۆڕسە داخرا و لە كۆی هەفتەكەش نرخی نەوت بە رەنگی سوور داخرا و ئەمەش دووەم هەفتەیە لە ساڵی 2019دا نرخی نەوت دادەبەزێت و لە سەرجەم هەفتەكانی تر نرخی نەوت هەڵكشاوە.

هەفتەی رابردوو نرخی نەوت لە ژێر كاریگەریی رووداوە جیاوازەكان تووشی هەوراز و نشێوێكی زۆر بوو و لە كۆی هەفتەكەدا سەرووی نیو دۆلار لە نرخی نەوت دابەزی.

بەگوێرەی DAILYFXسەرەتای هەفتەكە بەرمیلی نەوت بە 62 دۆلار و 60 سەنت بوو، بەڵام دواجار بە 62 دۆلار و شەش سەنت داخرا. لە رۆژەكانی هەفتەكەش دا جگە لە دوێنێ هەینی و رۆژی چوارشەم كە نرخی نەوت هەڵكشابوو، لە رۆژەكانی تر دابەزی.

نرخی نەوت لە كاتێكدا دابەزیوە كە ئەمەریكا دەیەوێت لە دژی وڵاتانی ئۆپێك هەندێك رێوشوێنی نوێ بگرێتە بەر و رێیان پێ نەدات بەرهەمهێنانی نەوت كەم بكەنەوە. ئەمەریكا خوازیارە تەنیا نەوتی ئێران كەم ببێتەوە و وڵاتانی تر بەرهەمهێنان زیاد بكەن بۆ ئەوەی نرخی نەوت زۆر بەرز نەبێتەوە.



وشە - سلێمان تاشان


PM:01:21:09/02/2019




ئه‌م بابه‌ته 83 جار خوێنراوه‌ته‌وه‌‌