كاتێك ژن له‌لایه‌ن خۆشه‌ویسته‌كه‌ی یان هاوسه‌ره‌كه‌یه‌وه بێتاقه‌ت ده‌كرێ و هه‌ڵه‌ی به‌رانبه‌ر ده‌كرێ، بێگومان دواتر داوای لێبوردنیشی لێ ده‌كرێ، بۆیه ئه‌گه‌ر لێی خۆش بێت، كه‌سایه‌تی خۆی پێ به‌رز ده‌كات.
ماڵپه‌ری "
لبنان24"، بڵاوی كرده‌وه، به پێی زانستی ده‌روونی له‌به‌ر ئه‌م هۆكارانه خواره‌وه ده‌بێت ژن له هه‌ڵه‌ی خۆشه‌ویسته‌كه‌ی یان مێرده‌كه‌ی خۆش بێت:
_ كاتێك لێی خۆش ده‌بێت، ده‌بیته كه‌سێكی میهره‌بان و كێشه‌كه كۆتا پێ دێنێت.
_ لێخۆش نه‌بوون ڕق و كینه له دڵ دروست ده‌كات كه كاریگه‌ری له‌سه‌ر هه‌موو هه‌نگاوه‌كانی ژیانت ده‌بێت و به‌رده‌وام به دوودڵییه‌وه بڕیار ده‌ده‌یت.
_ كاتێك داوای لێبوردنت لێ ده‌كرێت و ئه‌و كه‌سه نابه‌خشی، برینێكی له‌لا دروست ده‌كه‌یت، به‌ڵام كاتێك ده‌یبه‌خشیت كه‌سایه‌تییه‌كی به‌هێز و خۆشه‌ویست بۆ خۆت دروست ده‌كه‌یت.
_ لێخۆشبوون كه‌سیایه‌تییه‌كی جێی متمانه و به‌هێزت له داهاتوودا بۆ دروست ده‌كات.
_ كاتێك له كه‌سێك خۆشده‌بیت، ئامانجی دواترت هه‌ڵدانه‌وه‌ی لاپه‌ڕه‌یه‌كی نوێ ده‌بێت و مێشكت ئاسووده ده‌كات.
_ واز له بیركردنه‌وه له كێشه‌كه ده‌هێنیت و بیر له‌و شتانه ده‌كه‌یته‌وه كه دڵخۆشت ده‌كه‌ن.
_ وات لێ ده‌كا واز له ڕابردوو بێنی و بۆ داهاتوو و ئێسته‌ت بژی.
_ ته‌نانه‌ت ئه‌گه‌ر ئه‌و كه‌سه هاوسه‌ریشت نه‌بێ و وازیشت لێ بێنێ، به‌و لێخۆشبوونانه‌ت هه‌میشه له مێشك و دڵیدا ده‌مێنیته‌وه و به یه‌كێك له به‌هێزترین ژنه‌كانی ژیانی ده‌تبینێ.