زۆرێك لە پیاوان دووچاری كێشەكانی سێكسی هاتوونەتەوە كە كاریگەرییەكی گەورەی بۆ سەر ژیانی رۆژانە و ناو خێزان هەیە و دەبێتە هۆكارێكی خۆبەكەمزانین و كار لە تەواوی ژیانی خێزانی و كەسایەتی و كار و بیركردنەوەیش دەكات.
لە خوارەوە
پێنج هۆكار هەن كە دەبنە بەربەست لەبەردەم ژیانێكی سەركەوتووی سێكسی، وەك ماڵپەڕی "ستاندەرد میدیا"ی بەریتانی لە خاتوو ماگی گیتۆی پزیشكی شارەزا لە پێوەندییەكانی هاوسەر و خێزان گواستییەوە.
یەكەم/ ماندووبوون و سترێس، یەكێكە لە دیارترین هۆكاری شكستی ژیانی سێكسی بەهۆی زۆر بیركردنەوە لە ژیانی رۆژانە لە كێشەكانی كار و ناوماڵ و داهاتووی منداڵ، بۆیە ئەوانە هەموو لە دەرەوەی ژووری نوستن جێبێڵە.
دووەم/ كحوول، ئەگەر ئالوودەی خواردنەوەی كحوولیت ئەوە ژیانی سێكسیت كێشەی هەیە بەوەی هۆكارێكی سەرەكییە بۆ خەمۆكی كە میزاجی مرۆڤ دەشێوێنێت و لە هاوسەرەكەی دووری دەخاتەوە، جیا لەوەی كاری سیستەمەكانی لەش سست دەكات و كار لە توانای سێكسی دەكات.
سێیەم/ جگەرەكێشان، توێژینەوەكان دەریانخستووە كە نیكۆتین جیا لەوەی ژەهرە بۆ لەش، كاریگەری بۆ سەر دوو ئەندام هەیە كە بۆ سێكسكردن زۆر پێویستن ئەوانیش دڵ و سییەكانن.
چوارەم/ هاوسەر یان هاوبەشی ژیان، شەرمكردن یان سڵكردنەوە لە پرۆسەی سێكس لەلایەن هاوبەشی بەرانبەر ئارەزووی سێكسی لەناو دەبات و سستی دەكات و لەسەر شێوەی كێشەی خێزانی دیار دەكەوێت، بۆیە پێویستە سەردانی پزیشكی شارەزا بكرێت.
پێنجەم/ تەندروستی جەستە وەك ئەندامەكانی زاوزێ لای هەردوولا، بەتایبەتی ئەگەر بەتەمەنداچووبن، بۆیە پێویستە سەردانی پزیشكی شارەزا بكەن و كێشەكانیان باس بكەن بۆ گۆڕینی ژیانیان بەرەو باشتر.