سه‌رۆكایه‌تى رووسیا به فه‌رمى داهاتى ڤلادیمیر پوتینى سه‌رۆكى رووسیا و دیمترى مدڤیدیڤى سه‌رۆك وه‌زیرانى ئاشكرا كرد و به پێى ئه‌و زانیارییانه‌ى بڵاوكراونه‌ته‌وه، سه‌رۆكى رووسیا دوو شوقه و دوو ئۆتۆمبیلى هه‌یه و له ساڵى رابردوویش داهاته‌كه‌ى 134 هه‌زار دۆلار بووه.
هه‌ریه‌كه له ماڵپه‌ڕى سه‌رۆكایه‌تى رووسیا و حكوومه‌تى رووسیا، به فه‌رمى داهات و موڵكى به‌رپرسانى رووسیایان بڵاوكردووه‌ته‌وه، به‌ر له هه‌موو كه‌سێكیش داهاتى سه‌رۆكى رووسیا و سه‌رۆك وه‌زیران ئاشكرا كراوه.
به پێى ئه‌و زانیارییانه‌ى بڵاوكراونه‌ته‌وه، ڤلادیمێر پوتین دوو شوقه‌ى هه‌یه یه‌كێكیان 77 مه‌تر چوار گۆشه‌یه و ئه‌ویتریان 153 مه‌تره، له‌گه‌ڵ دوو گه‌راجى ئۆتۆمبیل و دوو ئۆتۆمبیل له جۆره‌كانى "ڤۆڵگا "و "نیڤا".
له باره‌ى داهاتى ساڵى 2018ی پوتین، سه‌رۆكایه‌تى رووسیا ده‌ڵێ داهاتى پوتین هه‌شت ملیۆن و 648 رۆبل بووه واته 134 هه‌زار دۆلاری ئەمریکی.
دواى پوتین داهاتى دیمترى مدڤیدیڤى سه‌رۆك وه‌زیرانى رووسیا ئاشكرا كراوه، كه داهاته‌كه‌ى 154 هه‌زار دۆلاره و له گه‌ڵ شوقه‌یه‌ك كه رووبه‌ره‌كه‌ى 367 مه‌تر چوارگۆشه‌یە، له‌گه‌ڵ دوو ئۆتۆمبێلى جۆرى ڤۆڵگا.
پێشتر وه‌زاره‌تى ده‌ره‌وه‌ى رووسیا راى گه‌یاندبوو، ئه‌مه‌ریكا له‌ڕێى هه‌واڵگرییه‌وه هه‌وڵ ده‌دات سامانى به‌رپرسانى رووسیا بزانێت و به‌ڵگه‌یان له‌سه‌ر كۆ بكاته‌وه.