به‌ ڤیدیۆ.. كچێك بۆ سێ منداڵ داینگه‌ی ئێواران دەکاتەوە

بۆ یه‌كه‌مجار له‌ سنووری شارۆكه‌ی ئامێدی و شاره‌دێی شیلادزێ، كچێك داینگه‌یه‌كی تایبه‌ت به‌ چاودێری و په‌روه‌رده‌كردنی منداڵانی داناوەله‌ داینگه‌ی ئێواران دا ته‌نیا سێ منداڵ هه‌یه‌ و تێچوویه‌كی زۆری هه‌یه‌، به‌بێ ئه‌وه‌ی هیچ بره‌ پاره‌یه‌ك وه‌كو قازانج وه‌ربگرن.

نایما عه‌لی، خاوەنی داینگەکە به‌ "وشه‌"ی راگه‌یاند، ئه‌وان له‌ داینگه‌ به‌ سێ شێوازی چاودێری و په‌روه‌رده‌ و ته‌ندروستی منداڵ په‌روه‌رده‌ ده‌كه‌ن و هه‌موو جۆره‌ چاڵاكییه‌كی په‌روه‌رده‌یی و فێركاری پێڕەو دەکەن.

زیاتر روونی دەکاتەوە، له‌ سنووری شارۆكه‌ی ئامێدی ته‌نیا داینگەیەک ‌ له‌ شیلادزێ هەیە، ئەگەرچی زیاتر لە پێنج هه‌زار منداڵ ته‌نیا له‌ شیلادزێ و ده‌ورووبه‌ری هه‌یه‌، به‌ڵام وه‌ك پێویست دایكان و باوكان منداڵه‌كانیان بۆ داینگه‌ نانێرن و ئەوەش وای کردوورە داینگە نەکرێتەوە.

به‌پێی قسه‌ی نایما داینگه‌ ژینگه‌یه‌كی ته‌واو په‌روه‌رده‌ییه‌ و باشتره‌ له‌ ژینگه‌ی ماڵ و ده‌ره‌وه‌ كه‌ منداڵ تێدا په‌روه‌رده‌ بكرێت و دەڵی، له‌ ئێواران ته‌نیا سێ منداڵمان هه‌یه‌، هەرچەند له‌ رووی مادییه‌وه‌ هیچ سوودێکی بۆ ئێمە نییە، به‌ڵام له‌به‌ر ئه‌وه‌ی ئێمه‌ خزمه‌ت به‌ خه‌ڵك ده‌كه‌ین و به‌یانیان داینگه‌ منداڵی تیدایە و کراوەیە،‌ بریارماندا ئێوارانیش هه‌بێت.

"داینگه‌ ته‌نیا بۆ ئه‌و كه‌سانه‌ نیه‌ كه‌ فه‌رمانبه‌ر و ماموستا و خاوه‌ن كارن، به‌لكو هه‌لێكی رەخساوە بۆ ئه‌و كه‌سانه‌ش ‌ به‌ هەر هوكارێك ناتوانن له‌ ماڵه‌وه‌ منداڵه‌كانیان به‌خێو بکەن و بە باشی چاودێری و په‌روه‌رده‌یان بكه‌ن، له‌ داینگه‌ منداڵ له‌ سۆزی دایك دوور ناکەوێتەوە به‌لكو پێوه‌ندی راسته‌وخۆی به‌ خێزان و‌ به‌ تایبه‌تی دایك هه‌یه‌" نایما وای گۆت.


شێلادزێ، نه‌وزاد هلۆری



وشە - هیدایه‌ت جان


PM:12:43:14/04/2019




ئه‌م بابه‌ته 145 جار خوێنراوه‌ته‌وه‌‌