پیاوێك له‌سه‌ر ونبوونی فیلمه‌ ڕووته‌كانی دایك و باوكی راکێشی دادگا کرد

پیاوێكی به‌ته‌مه‌نی ئه‌مریكی له‌به‌ر ئه‌وه‌ی به‌شێكی زۆری كه‌لوپه‌له‌كانی كه‌ تایبه‌ت بوون به‌ سیدی و گۆڤاری فیلم و وێنه‌ی ڕووت و دیار نه‌مابوون، دایك و باوكی پەلکێشی دادگا کرد.

ماڵپه‌ڕی لبنان24 بڵاوی كرده‌وه‌، هه‌فته‌ی ڕابردوو پیاوێكی 40 ساڵ داوای یاسایی له‌ دادگه‌ی فیدڕالیی ویلایه‌تی میشیگان له‌سه‌ر دایك و باوكی تۆمار كردووه‌، چونكه‌ كه‌لوپه‌له‌ تایبه‌تییه‌كانی ئه‌ویان به‌ زیاده‌ زانیوه‌ و فڕێیان داوه‌.

ئه‌و پیاوه‌ ساڵی 2016 له‌ خێزانه‌كه‌ی جیا بووه‌وه‌ و دووباره‌ هاته‌وه‌ لای دایك و باوكی ژیان به‌سه‌ر ببا، به‌ڵام له‌م ماوه‌یه‌ی پێشوو كه‌ دایك و باوكی خه‌ریكی گواستنه‌وه‌ی ماڵه‌كه‌ی و فڕێدانی شته‌ ناپێویسته‌كان بوون، هه‌موو ئه‌و سیدی، ڤیدیۆ، وێنه‌ ڕووتانه‌یان له‌ ژووری كوڕه‌كه‌یان بردبووه‌ ده‌ره‌وه‌ و فڕێیان دابوو.

ئه‌و كوڕه‌ ده‌ڵێ كه‌لوپه‌له‌كان بایی 29 هه‌زار دۆلاری ئه‌مریكی بوون، كاتێك به‌ دایك و باوكی گوتووه‌ شته‌كان چییان لێ هاتووه‌، به‌ ئاشكرا پێیان ڕاگه‌یاندووه‌ كه‌ له‌پێناو به‌رژه‌وه‌ندیی كوڕه‌كه‌یان فڕێیان داوه‌.

 ئه‌گه‌رچی پیاوه‌كه‌ داوای یاسایی تۆمار كردبوو، به‌ڵام له‌ لایه‌ن پۆلیسه‌وه‌ داواكه‌ی ڕه‌ت كراوه‌ته‌وه‌ و نه‌گه‌یه‌نرایه‌ دادگا، به‌ڵام هێشتا له‌سه‌ر داواكه‌ی سووره‌ و بۆ قه‌ره‌بووكردنه‌وه‌ش داوای 87 هه‌زار دۆلاری ئه‌مه‌ریكی كردووه‌.


وشە - ڕێناس شابان


AM:09:44:15/04/2019




ئه‌م بابه‌ته 555 جار خوێنراوه‌ته‌وه‌‌