ناسا نهێنییه‌كی تازه‌ی له‌باره‌ی مانگ ئاشكرا كرد


به‌شێوه‌یه‌كی به‌رده‌وام ده‌زگای ناسا توێژینه‌وه‌كانی ناوه‌ستێنێت له‌باره‌ی گه‌ردوونناسییه‌وه‌، هه‌روه‌ها نوێترین نهێنی ئاشكرا كرد له‌باره‌ی مانگ كه‌ هه‌مووانی شۆك كرد.

به‌گوێره‌ی هه‌واڵێك كه‌ له‌ ماڵپه‌ڕی "thesun" بڵاو كراوه‌ته‌وه‌، باس له‌ نهێنییه‌كی تازه‌ی مانگ ده‌كات و ئاماژه‌ی پێ داوه‌، ئه‌مرۆ سێشه‌م 23ی نیسان، ده‌زگای ناسا نهێنییه‌كی نوێی له‌سه‌ر مانگ بڵاو كرده‌وه‌ كه‌ ئه‌ویش بوونی به‌فره‌ له‌ جه‌مسه‌ره‌كانی، سه‌ره‌ڕای ئه‌وه‌ی ناسا به‌شێوه‌یه‌كی زانستی و به‌ وێنه‌یش سه‌لماندویه‌تی، به‌ڵام لای هه‌ندێك له‌ گه‌ردوونناسان بۆته‌ جێی نیشانه‌ی پرسیار و ده‌ڵێن ناسا مانگ به‌ زه‌وی ده‌چێنێت. 

هه‌ر له‌به‌ر ئه‌وه‌یشه‌ ده‌زگای گه‌ردوونناسی ناسا بڕیاری داوه‌ له‌ ساڵی 2024دا گرووپێك له‌ گه‌ردوونناسانی بنێرێت بۆ جه‌مسه‌ره‌كانی مانگ و توێژینه‌وه‌ی ته‌واو ئه‌نجام بده‌ن له‌سه‌ر ئه‌و به‌فر و ئاوه‌ی له‌و جه‌مسه‌رانه‌ هه‌یه‌، به‌ زانینی جۆر و پێكهاته‌كانی به‌فره‌وه‌ ناسا زۆر شتی تر فێرده‌بێت له‌سه‌ر بوونی ژیان له‌سه‌ر هه‌ساره‌كانی تر.

ناسا ده‌زگایه‌كی گه‌ردوونناسی سه‌ربه‌ حكوومه‌تی وڵاته‌ یه‌كگرتووه‌كانی ئه‌مه‌ریكایه‌ و به‌رپرسه‌ له‌ به‌رنامه‌ی ئاسمانی و گه‌ردوونناسی ئه‌و وڵاته‌ و دنیا به‌گشتی، ناسا ساڵی 1957 دامه‌زراوه‌ و داهاتی ساڵانه‌ی 16 ملیار دۆلاری ئه‌مه‌ریكییه‌، جگه‌ له‌ لێكۆڵینه‌وه‌ی گه‌ردوونی، ده‌زگای ناسا به‌رپرسیشه‌ له‌ لێكۆڵینه‌وه‌ سه‌ربازییه‌ ئاسمانییه‌ درێژخایه‌نه‌كانیش، ئێسته‌ ناسا گه‌وره‌ترین ده‌زگای گه‌ردوونناسییه‌ له‌ دنیادا.


وشە - ڕۆزی عه‌بدولره‌حمان


PM:04:21:23/04/2019




ئه‌م بابه‌ته 254 جار خوێنراوه‌ته‌وه‌‌