دیزاینی نیسان ڤێرسای 2020 ئاشكرا كرا


كۆمپانیای ژاپۆنی نیسان له‌ میداكانی دنیا وێنه‌ی نوێترین به‌رهه‌می ئاشكرا كرد كه‌ ئه‌ویش نیسان ڤێرسای 2020ه‌ كه‌ وه‌ك خۆی ئاماژه‌ی پێ داوه‌، ئه‌م ئۆتۆمبێله‌ یه‌كێكه‌ له‌باشترینه‌كانمان.

ماڵپه‌ڕی "caricos" هه‌واڵێكی له‌سه‌ر نوێترین به‌رهه‌می نیسان بڵاو كردووه‌ته‌وه‌ له‌باره‌ی به‌رهه‌مه‌كه‌وه‌ ده‌ڵێ، كۆمپانیای نیسان ئۆتۆمبێلی ڤێرسا مۆدێل 2020ی نمایش كرد له‌ پێشانگا تایبه‌ته‌كانی ژاپۆن و وێنه‌كانی به‌ دنیادا بڵاو كردووه‌ته‌وه‌ كه‌ زۆرێك له‌ هه‌وادارانی تووشی سه‌رسامی بوون به‌هۆی دیزاینه‌ نوێیه‌كه‌ی ئۆتۆمبێله‌كه‌. 

له‌باره‌ی تایبه‌تمه‌ندییه‌كانی ئه‌م ئۆتۆمبێله‌ كۆمپانیاكه‌ گوتویه‌تی، ئه‌م ئۆتۆمبێله‌ خاوه‌ن تایبه‌تمه‌ندیی ناوازه‌یه‌ و به‌شێوه‌یه‌كی زۆر به‌هێز دروست ده‌كرێت و دیزاینێكی تازه‌ و جوانیان بۆ داناوه‌، جگه‌ له‌وه‌یش خاوه‌ن هێزی 109 ئه‌سپ ده‌بێ و بزوێنه‌ره‌كه‌ی 1.6 لیتر كارده‌كات و چوار پستۆن و شه‌ش پستۆنی هه‌یه‌، هه‌روه‌ها به‌ نرخی 12 هه‌زار و 110 دۆلاری ئه‌مه‌ریكی ده‌خرێته‌ بازاڕه‌وه‌.

نیسان كۆمپانیایه‌كی ژاپۆنییه‌ و یه‌كێكه‌ له‌ كۆمپانیا به‌ناوبانگه‌كانی دنیا بۆ دروستكردنی ئۆتۆمبێلی به‌هێز و خاوه‌ن كوالێتی ناوازه‌، ئه‌م كۆمپانیایه‌ له‌ 26ی كانوونی یه‌كه‌می ساڵی 1933 دامه‌زراوه‌ له‌سه‌ر ده‌ستی "ماسوجیرۆ هاشیمۆتۆ، كینجیرۆ دێن و ویڵیه‌م گۆرهام" كه‌ ئێسته‌ ئۆفیسی سه‌ره‌كی ئه‌م كۆمپانیایه‌ ده‌كه‌وێته‌ شاری یۆكۆهاما له‌ ژاپۆن.


وشە - ڕۆزی عه‌بدولره‌حمان


PM:09:15:29/04/2019




ئه‌م بابه‌ته 3916 جار خوێنراوه‌ته‌وه‌‌