تره‌مپ باری نائاسایی ڕاگه‌یاند

سه‌رۆكی ویلایه‌ته‌ یه‌كگرتووه‌كانی ئه‌مه‌ریكا واژووی له‌سه‌ر فه‌رمانێك كرد بۆ ڕاگه‌یاندنی باری نائاسایی له‌ سه‌رتاسه‌ری وڵات، ته‌واوی كۆمپانیاكانی ئه‌مه‌ریكایش له‌ ڕێی ئه‌و فه‌رمانه‌وه‌ قه‌ده‌غه‌ ده‌كرێن له‌ به‌كارهێنانی ئامێری ئه‌لیكترۆنی و پێوه‌ندیكردن كه‌ دروستكراوی كۆمپانیاكانی تر بن كه‌ هه‌ڕه‌شه‌ن له‌سه‌ر ئاسایشی نه‌ته‌وه‌یی ئه‌مه‌ریكا.

ئه‌و بڕیاره‌ی سه‌رۆكی ئه‌مه‌ریكا گورزێكی یه‌كجار گه‌وره‌ و كوشنده‌ به‌ر به‌ كۆمپانیای هواوی ته‌كنه‌لۆجیزی چینی ده‌گه‌یه‌نێت، ئه‌مه‌یش له‌ چوارچێوه‌ی به‌رده‌وامی جه‌نی ئابووری نێوان په‌كین و واوشنتنه‌وه‌ دێ.

پێشبینی ده‌كرێ له‌ تۆڵه‌ی ئه‌م هه‌نگاوه‌ی ئه‌مه‌ریكا چینیش هه‌نگاوی وه‌ڵامدانه‌وه‌ بگرێته‌به‌ر و گرژی و كێشه‌كانی نێوان هه‌ردوو وڵات ڕوو له‌ زیادبوون بكه‌ن.

كۆشكی سپی ویلایه‌ته‌ یه‌كگرتووه‌كانی ئه‌مه‌ریكا له‌ ڕاگه‌یه‌نراوێكدا، هۆكاری گرتنه‌به‌ری ئه‌و هه‌نگاوه‌ی بۆ ئه‌وه‌ گه‌ڕانده‌وه‌، كه‌ زۆرێك له‌ وڵاتان و نه‌یارانی ئه‌مه‌ریكا كۆمپانیاكان بۆ دژایه‌تی ئه‌مه‌ریكا به‌كارده‌هێنن و ده‌یانه‌وێ ورده‌كاری و زانیاری له‌باره‌ی ژێرخانی ته‌كنه‌لۆجی ئه‌مه‌ریكا له‌ بواری میدیا و پێوه‌ندییه‌كان به‌ ڕوونی بزانن و كاری له‌سه‌ر بكه‌ن.

ئاماژه‌ی دا، واشنتن سه‌رجه‌م ئه‌و كۆمپانیایانه‌ قه‌ده‌غه‌ ده‌كات و ئه‌و كۆمپانیا ئه‌مه‌ریكیانه‌یش كه‌ كاڵای كۆمپانیا بیانییه‌كان به‌كارده‌هێنن قه‌ده‌غه‌ ده‌كرێن و سزایان به‌سه‌ردا ده‌سه‌پێنرێت.


وشە - باز ئه‌حمه‌د


AM:07:46:16/05/2019




ئه‌م بابه‌ته 4280 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌