كچی سووری بۆ وای به‌سه‌ر هاتووه‌؟


تیمێكی ئه‌مه‌ریكی، به‌ پشتبه‌ستن به‌ كۆمه‌ڵێ زانیاریی مێژوویی، هه‌ر جاره‌ كچان و كوڕانی وڵاتێكیان نیشان داوه‌ كه‌ گۆڕانكارییه‌كانی سه‌رده‌م چی به‌سه‌ر هێناون.

ئه‌و تیمه‌ له‌ دوا كاریاندا، كچانی سووریایان وه‌ك نموونه‌ باس كردووه‌ كه‌ له‌ ڕووی ستایل و كولتووره‌وه‌ له‌ماوه‌ی سه‌د ساڵی ڕابردوو چ گۆڕانكارییه‌ك به‌سه‌ر دۆخی پۆشین و ستایلیان هاتووه‌.

وه‌ك له‌ ڤیدیۆكه‌دا ده‌رده‌كه‌وێ، له‌ ساڵانی 1910 زیاتر پابه‌ندبوون به‌ نه‌ریته‌ كۆنه‌كانه‌وه‌، به‌ڵام له‌ دوای ساڵی 1930 كرانه‌وه‌ به‌ ستایلی به‌رگی ئه‌و كه‌سانه‌ دێت، ئه‌مه‌ش ده‌گه‌ڕێته‌وه‌ بۆ كاریگه‌ریی فه‌ڕه‌نسییه‌كان به‌سه‌ریانه‌وه‌.

ئه‌وه‌ی جێی سه‌رنجه‌ له‌ ڤیدیۆكه‌دا، دوای سه‌رده‌مێك پێشكه‌وتن به‌سه‌ر ستایلی به‌رگی كچانی سووریا، له‌ پاش ساڵی 2010 و شۆڕشی ئازادیی سووریا، جارێكی تر گه‌ڕاونه‌ته‌وه‌ بۆ ستایلی پێش سه‌د ساڵ و بگره‌ به‌ زیاتر داپۆشراوی.




وشە - موحسین شابان


AM:11:01:08/01/2017




ئه‌م بابه‌ته 6410 جار خوێنراوه‌ته‌وه‌‌