ئەمڕۆ شەموو، و کەمێک پێش ئێستە لە لۆس
ئەنجلوس، سێ کەس کوژران و 12 کەسیش برینداربوون
لە ئەنجامی بەشەڕهاتن و دەستڕێژی گوللە لە ناو ئاهەنگێکدا، لە ولایەتی کالیۆڕنیای
ئەمەریکا.
پۆلیس راگەیەندراوێکی بڵاوکردەوە، دەڵێت، لە ئەنجامی بەشەڕهاتنی دوو لایەن
لە ئاهەنگێکدا پەنایان بۆ چەک بردووە و دەستڕێژی گوللەیان لە یەکتری کردووە، سێ
کەش کوژران و 12 کەسیش بریندارن، هەندێک لە بریندارەکان دۆخیان جێگیر نیە.
بەپێی راگەیەندراوەکەی پۆلیس، ئاهەنگەکە لە باڵەخانەیەکی نیشتەجێبووندا
بووە، بەڵام دیار نیە چەند کەس لەو ئاهەنگەدا بەشداربوون.
لێکۆڵینەوە لە رووداوەکەش بەردەوامە و شوێنی
رووداوەکەش لەلایەن پۆلیسەوە گەرمارۆ دراوە.
رووداوی تەقەکردن لە ئەمەریکا زۆر دووبارە
دەبێتەوە و هەندێک لە وولایەتەکان چەک هەڵگرتن تێیاندا قەدەغە نیە.
یەکێک لە پرسەکانی هەڵمەتی هەڵبژاردنەکانی
ئەمەریکا و کە کاندیدەکان جەختی لەسەر دەکەنەوە، مافی بەکارهێنان و هەڵگرتنی چەکە
لەلایەن هاوڵاتیانی ئەمەریکیەوە.
وشە/ میدیاکان، رێبین محەمەد