كاتێك له‌گه‌ڵ منداڵه‌ هه‌رزه‌كاره‌كه‌ت قسه‌ ده‌كه‌یت ئه‌م هه‌ڵانه‌ مه‌كه‌

 
ده‌توانی له‌ هه‌موو قۆناغێكی ته‌مه‌نی منداڵه‌كه‌تدا چۆنت بوێت له‌گه‌ڵی قسه‌ بكه‌یت، به‌ڵام ته‌مه‌نی هه‌رزه‌كاریی زۆر هه‌ستیاره‌ و نابێ چه‌ند وشه‌یه‌ك هه‌یه‌ به‌رانبه‌ری به‌كاری بهێنیت و ئاگات له‌ ڕه‌فتاره‌كانت بێت كاتێك قسه‌ت بۆ ده‌كات. 
 
ماڵپه‌ڕی لبنان24 به‌ سوودوه‌رگرتن له‌ زانیاریی پسپۆڕی كۆمه‌ڵایه‌تی ئامۆژگاریی دایك و باوكان ده‌كات كاتێك قسه‌ له‌گه‌ڵ منداڵه‌كه‌یان له‌ قۆناغی هه‌رزه‌كاریدا ده‌كه‌ن، خۆیان له‌م هه‌ڵانه‌ به‌دوور بگرن: 
 
_ هه‌میشه‌ به‌ هه‌ڵه‌ی مه‌زانه‌ و به‌ ڕاستیشی مه‌زانه‌، سنوورێك بۆ هه‌ڵه‌ و ڕاستییه‌كانی دانێ. 
 
_ قسه‌ی پێ مه‌بڕه‌، ئه‌مه‌ بێڕێزییه‌ و له‌ دوای تۆوه‌ فێر ده‌بێت وات لێ بكاته‌وه‌. 
 
_ كاتێك تووڕه‌یه‌ له‌گه‌ڵی مه‌ڵێ. 
 
_ زیاتر بهێڵه‌ ئه‌و قسه‌ بكات و تۆ گوێی لێ بگره‌. 
 
_ كه‌ قسه‌یه‌ك به‌ بێ ویستی خۆی ده‌كات، سه‌رزه‌نشتی مه‌كه‌ و تێبگه‌ لێی. 
 
_ كێشه‌كانی به‌رز بنرخێنه‌ و هه‌وڵ بده‌ بۆی چاره‌سه‌ر بكه‌یت و هه‌رگیز مه‌ڵێ: "جا ئه‌وه‌ كه‌ی كێشه‌یه‌؟". 
 
_ هه‌تا توانات هه‌یه‌ هاوڕێیه‌تی بكه‌، بهێڵه‌ هه‌موو نهێنییه‌كانی خۆیت لا باس بكات. 


وشە - ڕێناس شابان


PM:03:46:09/06/2019




ئه‌م بابه‌ته 475 جار خوێنراوه‌ته‌وه‌‌