پێویستە دانەوێڵە بەشێوەیەكی سەرەكی بخورێت

ئەگەر بتەوێت بە شێوەیەكی تەندروست بژیت ئەوە پێویستە دانەوێڵە بخۆیت، چەندان بیرۆكە و بۆچوونی جیاواز هەیە كە دەڵێت، خواردنی دانەوێڵە بەگشتی هۆكارێكە بۆ قەڵەوی و شەكرەی جۆری دووەمی و نەخۆشیەكانی دڵ.

لە لایەكی تر بیرۆكەیەكی باشە كە دانەوێڵە لە ژەمە خۆراكییەكاندا هەبێت، وەك كەپەك و تۆوە و جۆرەكانی تری دانەوێڵە، بەڵام ئەو دانەوێڵانەی كە دەستكاریكراون جگە لە زیاد كردنی كالۆری لەش هیچ سوودێك بەلەش ناگەیەنن. ئەگەر نەخۆشی سلیاكت هەبوو ئەوە باشتر وایە لە بری گەنم دانەوێڵەكانی تر بخورێت وەكو گەنمی رەش، برنجی قاوەیی و شۆفان و گەنمەشامی كە ئەمانە چەند نمونەیەكی دانەوێڵەی تەواون و سوودێكی زۆر بەلەش دەگەیەنن.

سوودەكانی خواردنی دانەوێڵە بۆ لەش چیە؟
تەندروستی ریخۆڵە باشتر دەكات، دانەوێڵە یەكجار بەسوودە بۆ ریخۆڵەكان یارمەتی پاككردنەوەی پاشەرۆ دەدەن هەروەها مادەی ژەهراوی لە لەشدا لادەبەن، ئەگەر لە خۆراكی رۆژانەدا زیاد بكرێت رێگە لە قەبزی دەگرێت، زانایان دەڵێن ئەو خۆراكانەی كە دانەوێڵەیان زیاترە مەترسیەكانی شێرپەنجەی ریخۆڵەكان كەمتر دەكاتەوە لەچاو خۆراكەكانی تر.

دووەم: مەترسی نەخۆشی دڵ و بۆرییەكانی خوێن كەم دەكاتەوە، دانەوێڵە توانایی لابردنی ژەهر و پیسی هەیە لە ریخۆڵەكاندا  و كۆڵیسترۆڵی خراپ لە ریخۆڵەكاندا لەناو دەبات.

سێیەم: شەكری خوێن كۆنترۆڵ دەكات، ئەگەر گوومانی نەخۆشی شەكرەت هەیە یان تووش بووی ئەو نەخۆشییەیت ئەوە باشتر وایە دانەوێلە بەكاربهێنیت بەشێوەیەكی ئاسایی، چونكە یارمەتی رێكخستنی شەكری خوێن دەدات و بەرزبوونەوەی شەكری خوێن چەندان مەترسی لە لەشدا دروست دەكات.

چوارەم: كێشی لەش كەم دەكاتەوە، ئەگەر بتەوێت كێشی لەشت بە دروستی  بمێنێتەوە ئەوە پێویستە برێكی باش دانەوێڵە لە ژەمەخۆراكیەكاندا هەبێت.

پێنجەم: سیستەمی نیگەرانی رێكدەخات، یەكێك لە سوودە گرنگەكانی دانەوێڵە ئەوەیە كە برێكی زۆر ڤیتامین دی تێدایە بەپێی دەسەلاتی تەندروستی ئەم ڤیتامینە پێویستە بۆ كاركردنی مێشك و سیستەمی نیگەرانی لەش، بۆیە ئەگەر بەردەوام دانەوێڵە بەكاربهێنرێت ئەوا توانایی مێشك زیاد دەكات و دڵەراوكێ كەم دەكاتەوە و ئازاری بن پێیەكان و پەنجەكانی پێ كەمتر دەكاتەوە.



وشە - ئاوات ئازاد


PM:04:08:10/06/2019




ئه‌م بابه‌ته 143 جار خوێنراوه‌ته‌وه‌‌