پسپۆڕانی ئەمەریكا لە نوێترین توێژینەوەدا بۆیان دەركەوتووە، ئەگەر شەوان خەوت لێ بكەوێ و تەلەڤزیۆنەكەت بە هەڵكراویی بەجێ بێڵی، قەڵەو دەبیت.
ماڵپەڕی
فۆشیا لە هەواڵێكیدا بڵاوی كردووەتەوە، پسپۆڕانی ئەمەریكا دوای چەند توێژینەوەیەك بۆیان دەركەوتووە، بوونی ڕووناكیی بە گشتیی و ڕووناكی تیشكی تەلەڤزیۆن لە شەودا، دەبێتە هۆی قەڵەوكردنی مرۆڤ، كاریگەرییەكەیشی لەكاتی خەوتندا زۆرتر دەبێت.
كاتێك دەخەویت جەستەت پشوو دەدات، بەڵام ئەگەر تیشكی مەترسیداریی تەلەڤزیۆنت بەربكەوێت، زیانی بۆ هۆرمۆنەكان دەبێت و دەبێتە هۆی قەڵەوبوون، ئەم ئەنجامەش دوای توێژینەوە و تاقیكردنەوەی زانایانی ئەمەریكا لەسەر 44 هەزار ژن دەست كەوت.
توێژەران ڕوونیان كردووەتەوە، ئەو كەسانەی گڵۆپ، تەلەڤزیۆن یان هەر ڕووناكییەكی تر لە كاتی خەودا دەهێڵنەوە، بە ڕێژەی %33 ئەگەری قەڵەوبوونیان لە خەڵكی ئاسایی زیاترە، لەگەڵ ئەوەشدا پشوو بە باشیی وەرناگرن و تێرخەو نابن و بەیانیان خەویان دێت.
پسپۆڕان دەڵێن: بە كوژاندنەوەی گڵۆپی ژووری نوستنەكەت یان تەلەڤزیۆنەكەت، وا دەكەیت باشتر سوود لە خەوەكە وەربگریت و لە قەڵەویی دوور بكەویتەوە.