گەلی شێرانە دەکەوێتە گوندی هاریکا ئاغا لە سنووری شارەدێی دێرەلووک لە
ئامێدی، بۆ نوێژەنکردنەوە و راکێشانی زیاتری گەشتیاران کارگێری گەلی شێرانە بە زیاتر
200 ملیون دینار نۆژەنیان کردووەتەوە.
سدقی هاریکی، خاوەنی هاوینەهەواری گەلی شێرانە بە "وشە"ی
راگەیاند، بەهۆی ئەوەی سەردانکەران و گەشتیاری زیاتری کوردستان و عیراق و وڵاتان روو
دەکەنە گەلی شێرانە، بڕیارماندا سەرلەنوێ ئەو هاوینەهەوارە نۆژەن بکەینەوە.
زیاتر روونی دەکاتەوە، ئەمساڵ بە بڕی نێزیکەی 120 ملیۆن دینار و سالی
رابردووش بە نێزیکەی 90 ملیون دینار بۆ خزمەتکردنی گەشتیاران کۆمەڵێک گۆڕانکاریمان
لە هاوینەهەوارەکەدا کردووە.
بەپێی لێدوانی هاریکی، روژانە نزیکەی دوو هەزار گەشتیار سەردانی گەلی
شێرانە دەکەن و دەڵێ، بۆ خزمەتکردنی زیاتری گەشتیاران بریارمان دا شەوانیش بیکەینەوە،
پێشتر تەنیا بە رۆژ خزمەتگوزاری پێشکەش بە گەشتیاران دەکرا.
ئامێدی/ نەوزاد هلۆری