سەرۆکی یەکێتی مامۆستایانی کوردستان رای دەگەیەنێت، بەھۆی تەنگژەی
دارایی پلە بەرزکردنەوەی مامۆستا و فەرمانبەران ماوەی چەند ساڵێکە وەستاوە،
بەڵام ئەنجوومەنی وەزیران نووسراوی بۆ وەزارەتی دارایی کردووە بۆ ئەوەی پلە
بەرزرکردنەوە دەست پێ بکاتەوە و قەرەبووی ئەو چەند ساڵەی ڕابردووشیان بکرێتەوە.
ئەمڕۆ دووشەم 24ی حوزەیران، عەبدولواحید محەمەدسەرۆکی یەکێتی مامۆستایانی کوردستان بە "وشە"ی
راگەیاند،دوای تەنگژەی دارایی حکوومەتی ھەرێمی کوردستان، پلە بەرزکردنەوەی مامۆستا
و فەرمانبەرانی راگرتبوو، بەڵام ئێستا دۆخی ئابووری ھەرێمی کوردستان باشتر بووە،
بۆیە ئەنجوومەنی وەزیران نووسراوی بۆ وەزارەتی دارایی کردووە بۆ ئەوەی پلە
بەرزکردنەوە دەست پێ بکاتەوە و تەنیا ئەوە ماوە وەزارەتی دارایی رێنمایی دەربکات و
گشتاندنی بکات بەسەر وەزارەتەکان.
زیاتر روونی دەکاتەوە، ھەرمامۆستا و فەرمانبەرێک لە چەند ساڵی ڕابردوو
پلە بەرزکردنەوەی بۆ نەکرابێت بۆی قەرەبوو دەکرێتەوە و مافی فەرمانبەران و مامۆستایان
ناخورێت.
عەبدولواحید محەمەد دووپات لەوە دەکاتەوە، ماوەی دووساڵ سەرمووچە
راگیرابوو، حکومەتی ھەرێمی کوردستان ئەوانەش قەرەبوو دەکاتەوە.
هەولێر/ بڵند ئیبراھیم