رووسیا ئۆتۆمبێلێك دروست ده‌كات كه‌ پێویستی به‌ رێگه‌ نییه‌

كۆمپانیایه‌كی رووسی، هه‌ستاوه‌ به‌ دروستكردنی ئۆتۆمبێلێكی جۆری لاندرۆڤه‌ر كه‌ خاوه‌نی تایبه‌تمه‌ندییه‌كی ده‌گمه‌ن و سه‌رنجڕاكێشه‌ و پێویستی به‌ رێگه‌ نییه‌.

كۆمپانیا رووسییه‌كه‌ ناوی "رووساك"ه‌ و  به‌ هاوكاری زانایانی زانكۆی نیجنی نۆڤگۆرد ئۆتۆمبێله‌كه‌ی دروست كردووه‌، ئۆتۆمبێله‌كه‌ش هه‌شت تایه‌ی هه‌یه‌ و ده‌توانێت به‌و شوێنانه‌شدا رێ بكات كه‌ رێگه‌یان تێدا نییه‌.

به‌گوێره‌ی ئه‌و هه‌واڵانه‌ی له‌وباره‌یه‌وه‌ بڵاو كراونه‌ته‌وه‌، ئۆتۆمبێله‌كه‌ به‌ سه‌ركه‌وتوویی تاقی كراوه‌ته‌وه‌ و ئه‌وه‌ سه‌لمێنراوه‌ كه‌ ده‌توانێت تایبه‌تمه‌ندییه‌كانی خۆی به‌ شێوه‌یه‌كی سه‌ركه‌وتوو په‌راوه‌ بكات.

كۆمپانیاكه‌ ئاماده‌یی خۆی نیشان داوه‌ له‌وه‌ی كه‌ ده‌توانێت ژماره‌ی پێویست له‌و ئۆتۆمبێله‌ بۆ فرۆشتن به‌رهه‌م بهێنێت و ئه‌گه‌ریش ئه‌وه‌ بكات، ئه‌وا پێشبینی ده‌كرێت زۆرترینی كڕیارانی ئه‌و ئۆتۆمبێله‌ی رووساك، ئه‌و كه‌سانه‌ بن كه‌ له‌ بواری ده‌رهێنانی نه‌وت و گاز ئیش ده‌كه‌ن.

سه‌رچاوه‌: سپوتنیك


وشە - ئه‌ همه‌د كه‌یفی


AM:09:49:11/01/2017




ئه‌م بابه‌ته 2974 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌