ئەمڕۆ پێنجشەم مەسروور بارزانی سەرۆك وەزیرانی هەرێمی كوردستان، دیدارێكی دۆستانەی لەگەڵ وەزیرانی كابینەی نۆیەمی حكوومەت كرد.
دوێنی پەرلەمانی كوردستان متمانەی بە كابینەی نۆیەمی حكوومەتی هەرێمی كوردستان دا و بە دەنگی 88 پەرلەمانتار مەسروور بارزانی بووە سەرۆك وەزیرانی كوردستان، بۆ ئامادەكاری و ڕێكخستنەوەی كاروبارەكانیش ئەمڕۆ كۆبوونەوەیەكی لەگەڵ وەزیرەكانی كابینەی نوێ ئەنجام دا.
لە دیدارەكەدا مەسروور بارزانی داوای لە وەزیرەكانی كابینەی نۆیەمی حكوومەتی هەرێمی كوردستان كرد بەگوێرەی كارنامەی حكوومەت و بە گیانێكی نیشتمانی دوور لە حزباتی خزمەتی هاووڵاتییانی هەرێمی كوردستان بكەن.
هاوكات دوێنی "وشە" هەواڵی ئەوەی بڵاو كردەوە كە رۆژی دووشەمی هەفتەی داهاتوو ئەنجوومەنی وەزیرانی هەرێمی كوردستان یەكەمین كۆبوونەوەی ئاسایی بكات.