گرووپی زانستدۆستان، هەڵدەستێت بە رێكخستنی سیمینارێك بە ناونیشانی "سوود و زیانەكانی تیشكە ئایۆنی و نائایۆنییەكان لە ژیانی رۆژانەدا" بۆ دكتۆر خەرمان ئەكرەم فەرەج.
بەگوێرەی ئاگەدارییەك كە گرووپی ناوبراو لە تۆڕە كۆمەڵایەتییەكان بڵاوی كردووەتەوە، بڕیارە لە سیمینارەكەدا سوود و زیانەكانی تیشكەكانی وای فای، تیشكی ئێكس، CT و تیشكی ئامێرە جۆرواجۆرەكانی تر، لەلایەن د. خەرمان ئەكرەم كە پڕۆفیسۆری یاردەدەرە لە بواری رادیۆبایۆلۆجی Radiobiology، شی بكرێنەوە.
لە راگەیاندراوەكە ئاماژە بەوە دراوە كە سیمینارەكە ئەمڕۆ شەموو رێكەوتی 14ی كانوونی دووەم/یەنایەری 2017، سەعات دووی دوای نیوەڕۆ لە ناوەندی رۆشنبیری و هونەریی ئەندێشە لە سلێمانی بەڕێوە دەچێت.